تحریک اںصاف کے رہنما فواد چوہدری نے اسلام آباد میں میڈیا سے گفتگو میں کہا ہے کہ جسٹس (ر) مقبول باقر ایک قابل احترام انسان ہیں مجھے امید ہے کہ وہ ایک متنازع پراسس کے ذریعے چیئرمین نیب نہیں بننا چاہیں گے۔
انہوں نے کہا کہ راجہ ریاض ڈمی اپوزیشن لیڈر ہے وہ لوٹا ایسوسی ایشن کا چیئرمین ہونے کی وجہ سے اپوزیشن لیڈر بنا، ایک لوٹے کو ڈمی اپوزیشن لیڈر بنا کر یہ چیئرمین نیب کی تقرری کا پراسس کیا جا رہا ہے۔ کوئی بھی شخص جو قابل احترام ہو وہ اس پراسس کے ذریعے نہیں آئے گا۔
ان کا مزید کہنا تھا کہ جسٹس مقبول باقر بڑے قابل احترام ہیں مجھے امید ہے کہ وہ اس پراسس کے ذریعے چیئرمین قومی احتساب بیورو کی پیشکش قبول نہیں کریں گے۔ ملک میں اس وقت کوئی حکومت نہیں ہے جسے عوامی حمایت حاصل ہو۔
تحریک انصاف کے رہنما نے کہا کہ پہلے انہوں نے اپنی ای سی ایل ختم کی پھر پراسیکیوٹر، تفتیشی ٹیمیں اور پھر ریکارڈ تبدیل کیا، اوورسیز پاکستانیوں کے حقوق ختم کیے اور اب یہ اپنا چیئرمین نیب لگا رہے ہیں۔
فواد چودھری نے یہ بھی کہا کہ مجھے لگتا ہے یہ مزید سیاسی غلطیاں کریں گے، عوامی سپورٹ اور حکومت کے درمیان بڑا گیپ ہے جس کی وجہ معاملات آگے چل کر مزید خراب ہوں گے۔
- Featured Thumbs
- https://www.siasat.pk/data/files/s3/fawad-ch-nab-baqir.jpg
