پاکستان تحریک انصاف کے رہنما اظہر مشہوانی نے سلیم صافی کو آڑے ہاتھوں لے لیا۔
تفصیلات کے مطابق سلیم صافی کی جانب سے پاکستان تحریک انصاف کے اسلام آباد میں دھرنے کے حوالے سے اعلان پر تبصرہ کیا گیا ہے جس پر تحریک انصاف کے رہنما اظہر مشہوانی کی جانب سے ردعمل سامنے آیا ہے۔
مائیکرو بلاگنگ ویب سائٹ ٹویٹر پر عمران خان کے عید کے بعد اسلام آباد میں دھرنے سے متعلق فیصلے پر اپنا تجزیہ دیتے ہوئے سلیم صافی نے کہا کہ ان دھمکیوں سے گھبرانا نہیں۔ پچھلی مرتبہ جب وہ اسلام آباد آئے تھے تو آئے نہیں تھے بلکہ لائے گئے تھے۔
انہوں نے مزید کہا کہ اور اس وقت لانے والے ان کو نہ صرف پولیس سےبچارہےتھےبلکہ کھانےپینے کےلئے رقم بھی دےرہےتھے۔ اب ان کے آگے پیچھے سب لوگوں کی فائلیں کھل گئی ہیں۔کچھ فرح خان کی طرح بھاگیں گے اور کچھ جیل جائیں گے۔
سلیم صافی کے اس بیان پر تحریک انصاف کے رہنما اظہر مشہوانی کی جانب سے سخت ردعمل سامنے آیا، اظہر مشہوانی نے اپنی ٹویٹ میں لکھا کہ جب سے امپورٹڈ حکومت آئی ہے سلیم صافی اور حامد میر تمام اداروں کے ترجمان بنے ہوئے ہیں۔
انہوں نے مزید کہا کہ کیا ادارے بتانا پسند کریں گے کہ کس حیثیت میں یہ دونوں لوگوں کو تڑیاں لگاتے پھرتے ہیں؟ یا ان کی کن “خدمات” کے عوض انہیں خود ساختہ ترجمانی کا ٹھیکہ دیا گیا ہے؟ جس کے جواب میں انہیں جوتےہی پڑتے ہیں۔
- Featured Thumbs
- https://www.siasat.pk/data/files/s3/15mashwanieadamle.jpg
