ڈیرہ اسماعیل خان میں چھ سال قبل شریفاں بی بی قتل کیس میں لڑکی کو برہنہ کرنے میں ملوث پانچوں ملزمان کو فائرنگ کرکے قتل کردیا گیا ہے۔
تفصیلات کے مطابق ڈی آئی خان کی تحصیل ناؤگی میں چھ سال قبل شریفاں بی بی کو برہنہ کرنے کے کیس میں ملوث پانچ افراد کو تھانہ پرواکی حدود میں قتل کردیا گیا ہے۔
پولیس کے مطابق مقتولین شریفاں بی بی قتل کیس میں پیشی کے سلسلے میں عدالت آرہے تھے جب راستے میں گھات لگاکر بیٹھے نامعلوم افراد نے موٹرسائیکل پر سوال افراد پر فائرنگ کردی، مقتولین میں کیس کا مرکزی ملزم سجاول، اس کا بیٹا عنایت اللہ، نعمت اللہ، کفایت اللہ اور اسلم شامل تھے۔
خیال رہے کہ چھ سال قبل27 اکتوبر 2017 کو ڈی آئی خان میں پیش آنے والے ایک دلخراش واقعہ میں 16 سالہ لڑکی کو بازار کے بیچ و بیچ بے لباس کردیا گیا اور برہنہ حالت میں اس لڑکی کو بازاروں اور گلیوں میں گھمایا گیا، پولیس نے اس واقعہ کو ذاتی دشمنی کا نتیجہ قرار دیا تھا اور کئی ماہ بعد کیس میں ملوث ملزمان کو گرفتار کیا تھا، تاہم ملزمان جرگے میں تصفیے کے بعد ملزمان کو ضمانت پر رہا کردیا گیا تھا۔
- Featured Thumbs
- https://www.siasat.pk/data/files/s3/13دیکفررسرععااان.png
