انٹر بینک میں ڈالر مزید مہنگا۔۔ ڈالر 1 روپیہ 33 پیسے مہنگا ۔۔ 211 روپے پر پہنچ گیا
تفصیلات کے مطابق ملک میں روپے کی بے قدری کا سلسلہ مسلسل جاری ہے اور آج بھی انٹر بینک میں روپے کے مقابلے میں ڈالر کی قدر میں اضافہ ریکارڈ کیا گیا ہے۔انٹر بینک میں ڈالر 1 روپیہ 33 پیسے مہنگا ہو کر 209 روپے کی ریکارڈ سطح پر پہنچ گیا۔
اوپن مارکیٹ میں میں بھی ڈالر کی قیمت میں اضافہ دیکھا گیا اور پہلی بار 211 روپے کی ریکارڈ سطح پر پہنچ گیا۔
دوسری جانب آج پاکستان سٹاک مارکیٹ میں تیزی دیکھنے میں آئی اور اب تک 410 پوائنٹس کا اضافہ ہوچکا ہے جس کے بعد سٹاک مارکیٹ 42140 کی سطح پر آگئی اور 42 ہزار کی نفسیاتی حد بھی عبور کرلی
واضح رہے کہ گزشتہ روز انٹربینک میں ڈالر 207 روپے 67 پیسے کی ریکارڈ سطح پر پہنچ گیا تھا جبکہ اوپن مارکیٹ میں یہ 208 روپے 50 پیسے کی سطح پر موجود تھا۔