وفاقی وزیر خزانہ مفتاح اسماعیل نے دعویٰ کیا ہے کہ چین کے بینکوں سے 2 ارب 30 کروڑ ڈالر قرض کا معاہدہ طے پاگیا ہے۔
مائیکروبلاگنگ ویب سائٹ ٹویٹر پر اپنے بیان میں مفتاح اسماعیل نے اعلان کیا کہ چینی کنسورشیم سے قرض کیلئے معاہدہ طے ہوگیا ہے،اس معاہدے پر پاکستانی حکومت نے گزشتہ روز دستخط کیے تھے جبکہ چینی کنسورشیم بینک نے آج دستخط کیے ہیں۔
مفتاح اسماعیل نے مزید کہا کہ قرض کی رقم چند دنوں میں پاکستان منتقل ہوجائیں گی، لین دین میں سہولت فراہم کرنے پر چینی حکومت کا شکریہ ادا کرتے ہیں۔
دوسری جانب پاکستان نے عالمی مالیاتی ادارے آئی ایم ایف سے بھی فنڈنگ کی رقم اور بیل آؤٹ پروگرام کی مدت میں مطالبہ کیا ہے، مفتاح اسماعیل نے عالمی خبررساں ایجنسی سے گفتگو کرتے ہوئے اپنے بیا ن میں کہا ہے کہ آئی ایم ایف بیل آؤٹ پیکج کی مدت میں اضافہ کرے۔