پاکستان مسلم لیگ ن کے ایم پی اے فیصل نیازی نے استعفیٰ دیا تو الیکشن کمیشن نے قبول کرنے سے یہ کہہ کر انکار کر دیا کہ یہ معاملہ بدنیتی کا لگتا ہے۔
صحافی ثاقب ورک نے اس معاملے پر کہا کہ الیکشن کمیشن نے ن لیگ کے مستعفی ایم پی اے فیصل نیازی کا استعفی منظور کرنے سے انکار کر دیا، چیف الیکشن کمشنر نے ریمارکس دیے مجھے تو اس میں بدنیتی لگتی ہے،کیس مشکوک لگتا ہے۔
صحافی نے مزید کہا کہ الیکشن کمیشن نے سیکرٹری پنجاب اسمبلی کو نوٹس جاری کر دیا، 26 جولائی تک جواب اور استعفے کا ریکارڈ طلب کر لیا۔
یاد رہے کہ الیکشن کمیشن کے کردار پر پی ٹی آئی غیر مطمئن ہے اور ضمنی انتخابات جیتنے کے باوجود بھی عمران خان نے چیف الیکشن کمشنر سے استعفے کا مطالبہ کر دیا ہے۔
جب کہ الیکشن کمیشن آف پاکستان نے تحریک انصاف کے الزامات کو مسترد کرتے ہوئے اپنی مکمل غیر جانبداری کی یقین دہانی کرائی ہے۔
- Featured Thumbs
- https://www.siasat.pk/data/files/s3/faosa%3B111.jpg
