پیٹرولیم مصنوعات کی نئی قیمتیں مقرر ہونے سے پہلے ہی آئل ٹینکرز ایسوسی ایشن نے ملک بھر میں سپلائی بند کرنے کا اعلان کردیا ہے۔
تفصیلات کے مطابق آئل ٹینکرز ایسوسی ایشن نے کل سے ملک بھر میں پیٹرولیم مصنوعات کی سپلائی معطل کرنے کا اعلان کرتے ہوئے کہا ہے کہ انتظامیہ کی جانب سے ناپ تول میں کمی کے خلاف کل سے ملک بھر میں پیٹرولیم مصنوعات کی سپلائی بند کی جارہی ہے۔
ایسوسی ایشن کا مزید کہنا تھا کہ پیٹرولیم مصنوعات کی سپلائی راولپنڈی، اسلام آباد، گلگت بلتستان اور آزاد کشمیر میں بھی معطل رہے گی اور ملک کے تمام ایئرپورٹس کو بھی پیٹرولیم مصنوعات کی سپلائی بند کردی جائے گی، جب تک مطالبات منظور نہیں کیے جاتے علامتی احتجاج کے طور پر سپلائی بند رہے گی۔
آئل ٹینکرز ایسوسی ایشن نے مزید کہا کہ حکام اور ضلعی انتظامیہ نے 20 فروری کو ہونے والے معاہدے کی خلاف ورزی کی ہے، میٹرائزڈ سسٹم کے تحت بھرائی کے مطالبے کو فوری طور منظور کیا جائے۔