پاکستان اور نیوزی لینڈ کے درمیان دوسرا ٹیسٹ بے نتیجہ ختم ، شعیب جٹ کی جانب سے میچ کو متنازع بنانے کی کوشش، پاکستان کرکٹ ٹیم پر میچ کو ڈرا کرنے کیلئے نام لینے بنا منفی ہتھکنڈنے اپنانے کا الزام عائد کر دیا۔
میچ کے بعد پریس کانفرنس میں صحافی شعیب جٹ نے نیوزی لینڈ کے کپتان ٹم ساؤتھی سے پوچھا کہ کیا آئی سی سی کو منفی ہتھکنڈوں کے ذریعے میچ ڈرا کرنے والی ٹیموں سے متعلق کوئی قوائد بنانے کی ضرورت ہے؟ کیونکہ ٹیمز وقت کو ضائع کرنے کیلئے منفی ہتھکنڈنے اپناتی ہیں۔ اگر آپ کے مخالف منفی ہتھکنڈے اپناتے تو میچ کا نتیجہ نکل سکتا تھا۔
جواب میں مہمان ٹیم کے کپتان نے کہا کہ یہ بہت مشکل ، روشنی کا مسئلہ تھا ہم نے جلدی بھی کی مگر ایسے ہتھکنڈے ہوتے ہیں۔
بابر اعظم کی کپتانی کے خلاف مسلسل مہم چلانے والے شعیب جٹ نے سرفراز احمد سے بھی پوچھا کہ کیا وہ دوبارہ کپتان بننا چاہتے ہیں؟ کپتانی کے سوال پر سرفراز احمد نے کہا کہ اس وقت بابر اعظم ٹیم کے کپتان ہیں اور جب تک وہ کپتان ہیں ہم سب کو انہیں سپورٹ کرنا چاہیے۔
سرفراز احمد نے مزید کہا کہ کھیلنے کا تعلق فارم اور فٹنس سے ہوتا ہے، اگر آپ کے پاس یہ دونوں چیزیں ہیں تو آپ 40 سال کی عمر تک بھی کھیل سکتے ہیں۔
شعیب جٹ اس سے پہلے قومی ٹیم کے باؤلنگ کوچ شان ٹیٹ سے بھی الجھ چکے ہیں۔
ایک صحافی نے بابراعظم سے سوال کیا کہ کیا انہیں اپنی کپتانی جاتی نظر آ رہی ہے کیونکہ لگتا ہے کہ اب ان کی ٹیم پر وہ گرفت نہیں رہی اور وہ دوستیاں نبھا رہے ہیں۔ جواب میں بابر اعظم نے کہا کہ انہیں نہیں معلوم کس کی کپتانی کہاں جارہی ہے وہ اس سے لاعلم ہیں میرا کام ہے پرفارم کرنا اور ٹیم سے پرفارمنس لینا ہے۔
یاد رہے کہ پاکستان اور نیوزی لینڈ کے درمیان دوسرا ٹیسٹ بھی ڈرا ہوگیا، ٹیسٹ کے آخری دن نیوزی لینڈ کے 319 رنز کے تعاقب میں پاکستان نے دوسری اننگز میں 9 وکٹ پر 304 رنزبنائے، پاکستان کو جیت کیلئے 15 رنز اور نیوزی لینڈ کو ایک وکٹ درکار تھی تاہم آج کی اننگز کے 3 اوورز قبل ہی امپائر نے کم روشنی کے باعث میچ ختم کر دیا۔
- Featured Thumbs
- https://www.siasat.pk/data/files/s3/5shoiabjattmani.jpg
