پاکستانی باکسر عثمان وزیر نے بہترین کارکردگی کا مظاہرہ کرتےہوئے ملک کیلئے پہلا ورلڈ ٹائٹل جیت لیا ہے۔
خبررساں ادارے کی رپورٹ کے مطابق ورلڈ یوتھ ٹائٹل کے مقابلوں میں عثمان وزیر نے تھائی لینڈ کے باکسر سومپوت سیسا شکست دےکر پروفیشنل باکسنگ کا ورلڈ ٹائٹل اپنے نام کرلیا ہے۔
رپورٹ کے مطابق عثمان وزیر نے ورلڈ باکسنگ آرگنائزیشن کے تحت تھائی لینڈ کے شہر بنکاک میں ورلڈ یوتھ ٹائٹل فائٹ کا مقابلہ ہوا جس کے چھٹے راؤنڈ میں عثمان وزیر نے اپنے حریف کو ناک آؤٹ کردیا۔
شاندار فتح کے بعد اپنے ویڈیو بیان میں عثمان وزیر کا کہنا تھا کہ اس تاریخی فائٹ کیلئے میں نے بہت تیاری کی تھی اور آج اس محنت کا صلہ مل گیا ہے، میں یہ ٹائٹل اپنے والدین کے نام کرتا ہوں، جنہوں نے ہمیشہ مجھے سپورٹ کیا، میں اپنے کوچز کا بھی شکریہ ادا کرتا ہوں جنہوں نے مجھ پر محنت کی۔
گلگت بلتستان سے تعلق رکھنے والے قومی ہیرو کا کہنا تھا کہ یہ ٹائٹل میں نے میں نے حکومتی سپورٹ کے بغیر جیتا ہے، وزیراعظم پاکستان اور وزیراعلی گلگلت بلتستان خالد خورشد سےاپیل کرتا ہوں کہ ملک میں باکسنگ ٹیلنٹ کو سپورٹ کیا جائے تاکہ ملک کو مزیر عثمان وزیر مل سکیں۔
