کالعدم تحریک طالبان پاکستان کی طرف سے سوشل میڈیا ویب سائٹس کے ذریعے پولیس ملازمین اور ان کے اہل خانہ کی نگرانی کیے جانے کا انکشاف سامنے آیا ہے۔
ذرائع کے مطابق کالعدم تحریک طالبان پاکستان (ٹی ٹی پی) کی طرف سے مبینہ طور پر خیبرپختونخوا کے پولیس ملازمین کو اغوا کیے جانے کی منصوبہ بندی کرنے کا انکشاف سامنے آیا ہے جس کے بعد اس حوالے سے خیبرپختونخوا پولیس نے اعلامیہ بھی جاری کر دیا ہے۔
خیبرپختونخوا پولیس کے اعلامیہ میں دعویٰ کیا گیا ہے کہ کالعدم تنظیم ٹی ٹی پی کی طرف سے خیبرپختونخوا پولیس اور سکیورٹی فورسز کے ملازمین کی ٹارگٹ اور ان کے اہل خانہ کو اغوا کرنے کیلئے سوشل میڈیا ویب سائٹس سے نگرانی کرکے منصوبہ تیار کیا گیا ہے۔
آئی جی پولیس خیبرپختونخوا نے کائونٹر ٹیررازم ڈیپارٹمنٹ کے ایڈیشنل آئی جی سمیت صوبہ کے تمام سی سی پی اوز، ڈی پی اوز کو الرٹ رہنے کی ہدایات جاری کر دی ہیں۔
آئی جی پولیس خیبرپختونخوا کی طرف سے صوبہ بھر کی پولیس وسکیورٹی فورسز کو تنبیہ کی ہے کہ پولیس وسکیورٹی فورسز کے اہلکار اپنے اور خاندان کے مقام، نقل وحرکت کی تفصیلات، تصاویر یا دیگر معلومات سوشل میڈیا پر شیئر نہ کریں۔ ٹی ٹی پی دہشت گردوں کی مختلف ٹیمیں ان اداروں کے ملازمین و اہلخانہ کی سوشل میڈیا اکائونٹس کے ذریعے نگرانی کر رہی ہیں۔
اعلامہ کے مطابق تمام پولیس افسران واہلکاروں کو ہدایت کی گئی ہے کہ جس نے بھی اپنی شناخت، تصاویر ودیگر تفصیلات سوشل میڈیا ویب سائٹس پر اپ لوڈ کر چکے ہیں انہیں فوری طور پر ہٹائیں اور آئندہ ایسا کرنے سے گریز کریں۔ آئی جی پولیس خیبرپختونخوا نے ہدایت کی ہے کہ آئندہ اپنی اور اپنے اہل خانہ کی حفاظت کیلئے اپنی معلومات وٹس ایپ یا سوشل میڈیا اکائونٹس پر شیئر نہ کریں۔
Ghaleez Ghuddar Buzdil ki Choot chalakiyan
