وزیراعظم شہباز شریف کے معاون خصوصی عطاء اللہ تارڑ کو ایک اور قلمدان سونپ دیا گیا ہے۔
خبررساں ادارے کی رپورٹ کےمطابق وزیراعظم شہباز شریف نے اپنے معاون خصوصی عطاء اللہ تارڑ کو انسداد منشیات کا قلمدان بھی سونپ دیا ہے، فیصلےکا نوٹیفکیشن بھی جاری کردیا گیا ہےجس کے مطابق عطاء اللہ تارڑ وزیراعظم کےمعاون خصوصی برائے نارکوٹکس کنٹرول ہوں گے۔
واضح رہے کہ عطاء اللہ تارڑسابق وزیراعلی پنجاب حمزہ شہباز شریف کی کابینہ میں وزیر داخلہ کی حیثیت سے فرائض سرانجام دے رہےتھے تاہم پنجاب حکومت کے خاتمےکےبعد عطاء اللہ تارڑ کو وفاق میں ذمہ داریاں دی گئیں تھیں۔
انہیں وزیراعظم شہباز شریف کا معاون خصوصی مقررکیا گیا تھا اور ان کادرجہ وفاقی وزیر کے برابر رکھا گیا تھا، عطاء اللہ تارڑ نے اپنی تقرری پرپارٹی قیادت کا شکریہ ادا کرتے ہوئے کہا تھا میں اس عہدےپر رہتےہوئےپارٹی کی مضبوطی کیلئےکام کروں گا۔