بھارت نے آئی سی سی ورلڈ کپ 2023 کے سیمی فائنل میں شکست کے ڈر سے پچ ہی تبدیل کردی ہے۔
برطانوی خبررساں ادارے ڈیلی میل کی رپورٹ بھارتی کرکٹ بورڈ(بی سی سی آئی ) نے ورلڈ کپ کے آج کھیلے جانے والے سیمی فائنل سے قبل ہی آئی سی سی کی اجازت کے بغیر ہی میچ کی پچ کو تبدیل کروادیا ہے۔
وانکھڈے کرکٹ اسٹیڈیم میں آج بھارت اور نیوزی لینڈ کی ٹیموں کے مابین آج7 نمبر پچ پر میچ کھیلا جانا تھا، اس پچ پر اس سے قبل پورے ایونٹ کے دوران کوئی میچ نہیں کھیلا گیا، تاہم میچ سے قبل بی سی سی آئی نے انفرادی طور پر فیصلہ کرتے ہوئے میچ کو 6 نمبر پچ پر منتقل کردیا جس پر اس سے پہلے بھی ایونٹ کے 2 میچز کھیلے جاچکے ہیں۔
میڈیا رپورٹ میں دعویٰ کیا جارہا ہے کہ اس پچ پر میچ کھیلنے سے بھارتی اسپنرز کو فائدہ پہنچے گا، بھارت نے احمد آباد میں شیڈولڈ ورلڈ کپ کے فائنل کیلئے بھی پچ تبدیل کرنے کی ہدایات جاری کررکھی ہیں،تاکہ بھارتی ٹیم کی کامیابی کے امکانات بڑھ سکیں۔
خیال رہے کہ کسی بھی انٹرنیشنل ایونٹ کیلئے گراؤنڈ ز میں تمام پچز آئی سی سی کے کیورٹر اینڈی اٹیکشن کی زیر نگرانی تیار کی جاتی ہیں، ورلڈ کپ کیلئے طے شدہ معاہدے کے مطابق ہر اسٹیڈیم میں موجود پچز پر نمبر لگائے جاتے ہیں تاکہ نئی تیار کردہ پچز پر ہی میچ کھیلا جاسکے۔
- Featured Thumbs
- https://www.siasat.pk/data/files/s3/6bharatpitchshsjhd.png
