سابق وزیراعظم عمران خان نے کہا ہے کہ موجودہ امپورٹڈ حکومت نے ترمیمی نیب بل نے احتساب کو دفن کردیا ہے۔
مائیکروبلاگنگ ویب سائٹ ٹویٹر پر جاری اپنے بیان میں عمران خان نےکہا کہ آج پاکستان کی تاریخ کا یوم سیاہ ہے جب بدمعاشوں کی امپورٹڈ حکومت نے نیب قانون میں ترمیم کرکے احتساب کا خاتمہ کردیا ہے۔
انہوں نے مزید کہا کہ امریکی حمایت یافتہ حکومت کی تبدیلی کی سازش کے ذریعے پاکستان کی پوری معیشت اور پولیٹیکل نظام کو پٹڑی سے اُتار دیا گیا تھا تاکہ بدمعاشوں کے اس ٹولے کو ایک اور این آر او دیا جا سکے۔ پی ایم ایل ن کے خرم دستگیر نے اس کی تصدیق بھی کردی ہے۔
عمران خان نے مزید کہا کہ ایسے وقت میں جب ہماری معیشت مستحکم ہو چکی تھی اور 6 فیصد کی پائیدار ترقی کی طرف گامزن تھی، سازشی عناصر نے پاکستان کو عدم استحکام سے دوچار کرنے کا انتخاب کیا تاکہ معیشت کو تباہ کرکے ہمارے عوام پر قیمتوں کے بم گرائے جائیں ۔
سابق وزیراعظم نے کہا کہ ہمارے نبی صلی اللہ علیہ وسلم نے فرمایا تھا کہ معاشرے تب تباہ ہو جاتے ہیں جب غریب کو جیلوں میں ڈالا جائے اور امیروں کا احتساب نہ ہو۔ آج اس ایک ترمیم شدہ نیب قانون سے ہم وائٹ کالر مجرموں کو احتساب سے نکال کر تباہی کی طرف بڑھ رہے ہیں۔
چیئرمین تحریک انصاف نے کہا کہ نیب کے زیر تفتیش 1200 ارب روپے میں سے 1100 ارب روپے اب نیب کے دائرہ اختیار سے باہر ہوں گے جس سے اس جرائم پیشہ مافیا کو اپنا NRO2 دیا جائے گا۔ تاریخ ان تمام لوگوں کو نہ بھولے گی اور نہ ہی معاف کرے گی جو پاکستان کے خلاف اس سازش کا حصہ تھے اور ان کو کامیاب کرنے میں کامیاب ہوئے۔
- Featured Thumbs
- https://www.siasat.pk/data/files/s3/6newnablawkhanstatnwnt.jpg
?? DAY '20 JUNE ' ARMY MURDA BAD ????.
