معروف چیٹ ایپلیکیشن ’واٹس ایپ‘ کے نئے فیچر نے صارفین کی بڑی مشکل حل کر دی، کمپنی نے نیا پرائیویسی فیچر متعارف کروانے کا اعلان کر دیا۔
تفصیلات کے مطابق واٹس ایپ کی جانب سے جلد متعارف کروائے جانے نئے پرائیویسی فیچر میں سیٹنگز اپ ڈیٹ کی گئی ہیں، اس نئے فیچر کی مدد سے مخصوص رابطوں کے لیے پرائیویسی سیٹنگز کو غیر فعال کیا جا سکے گا۔
اب نئی سیٹنگز کی مدد سے صارفین چاہیں تو اپنا اسٹیٹس کا لاسٹ سین، پروفائل پکچر اور تفصیلات کو چند مخصوص لوگوں کے لئے چھپاتے ہوئے دیگر کانٹیکٹس کو دکھا سکیں گے۔ واٹس ایپ نے سماجی رابطے کی ویب سائٹ ٹوئٹر پر اپنے آفیشل اکاؤنٹ سے اپیلی کیشن میں ہونے والے نئے اضافے کے متعلق اعلان کیا۔
اپنے ٹوئٹ میں واٹس ایپ کی جانب سے نئے فیچر کو حاصل کرنے کا طریقہ کار بتاتے ہوئے نئے فیچر کا سکرین شاٹ بھی شیئر کیا گیا ہے جس میں دیکھا جا سکتا ہے کہ My Contacts Except… آپشن اس طرح نظر آئے گا۔
یہ اپ ڈیٹ گوگل پلے بیٹا پروگرام میں جمع کروا دی گئی ہے، یہ واٹس ایپ بیٹا پر اینڈرائیڈ 2.21.20.10 کے لیے مستقبل میں اپ ڈیٹ میں دستیاب ہوگا۔