پاکستان عوامی مسلم لیگ کے سربراہ شیخ رشید احمد کا کہنا ہے کہ پی ڈی ایم الیکشن ملتوی کرنے کے لیے کچھ بھی کر سکتی ہے۔ انہوں نے کہا کہ نوازشریف لندن میں مہنگے سٹوروں کے چکر لگا رہا ہے اور یہاں غریب سستے بازار میں دھکے کھا رہا ہے۔
ٹوئٹر پر اپنی ٹوئٹ میں شیخ رشید نے کہا کہ عمران خان پر پابندی اور گرفتاری کے لئے پولیس بھجوانے سے معلوم ہوتا ہے کہ پی ڈی ایم کے نزدیک اس ملک کا مسئلہ مہنگائی اور معاشی تباہی نہیں بلکہ عمران خان کی گرفتاری اور پابندی ہے۔
سابق وفاقی وزیر نے کہا کہ نواز شریف مہنگے اسٹوروں کے چکر لگارہے ہیں اور غریب سستے بازار میں دھکےکھارہا ہے۔ پی ڈی ایم الیکشن ملتوی کرنے کے لیےکچھ بھی کرسکتی ہے، الیکشن شیڈول بھی اسی ہفتے آجائے گا۔
شیخ رشید نے کہا کہ بلاول بھٹو زرداری کو آخر کا سیلاب زدگان یاد آگئے، الیکشن میں حصہ لینے اور وزارتوں سے نکلنے کا اعلان بھی کردیا، وہ عنقریب امریکا کاچوتھا دورہ کریں گے۔
