باجوڑ میں آزاد حیثیت میں الیکشن لڑنے والے ریحان زیب قتل کے حوالے سے میڈیا پر نیا پراپیگنڈہ شروع، ذمہ داری پی ٹی آئی پر ڈالنا شروع کردی۔
تفصیلات کے مطابق باجوڑ میں آزاد امیدوار ریحان زیب کے قتل کے حوالے سے نئے انکشافات سامنے آگئے ہیں، ملک کے بڑے بڑے خبررساں ادارے اس معاملے کو الگ رنگ دینے کی کوشش کررہے ہیں اوریہ دعویٰ کرنے کی کوشش کررہے ہیں کہ ریحان زیب کو ظل شاہ کی طرح پی ٹی آئی نے خود ہی قتل کروایا۔
اے آروائی نیوز کی خصوصی رپورٹ کے مطابق" این اے 8 میں آزاد امیدوارریحان زیب قتل میں اہم حقائق سامنے آگئے ہیں،پی ٹی آئی نے ریحان زیب کو قومی و صوبائی اسمبلی کا ٹکٹ نہیں دیا گیا اور پی ٹی آئی آفیشل ٹویٹر اکاؤنٹ سے اس حوالے سےغلط بیانی بھی کی گئی جس پر ریحان نے سوشل میڈیا پر اس حوالے سے اپنے تحفظا ت کا اظہار کیا تھا، چندروز سے پی ٹی آئی سے منسلک اکاؤنٹ سوشل میڈیا پر ریحان کو تنقید کا نشانہ بھی بنارہے تھے"۔
رپورٹ کے مطابق پی ٹی آئی نےپی کے 22 میں گل داد خان کو ٹکٹ دیا اور این اے 8 میں پی ٹی آئی نےگل ظفر خان کو ٹکٹ دیا، قتل سے قبل ریحان زیب گل ظفر کے آبائی علاقے سے واپس آرہے تھے، 12 جنوری کو ریحان نے خیبر پختونخوا حکومت کی کرپشن کے حوالے سے بھی انکشافات کیے تھے۔
اے آروائی کے علاوہ سماء نیوز نے اس معاملے میں گل ظفر اور گل داد کو ذمہ دار ٹھہراتے ہوئے اس واقعہ کو ظل شاہ قتل کیس سے تشبیہ دی۔
سوشل میڈیا پر اس حوالے سے تصویر کا ایک دوسرا رخ بھی پیش کیا جارہا ہے جس میں ریحان زیب کی کچھ روز قبل باجوڑ بم دھماکے کے بعد دیئے گئے بیان کو بھی شیئر کیا جارہا ہے جس میں ریحان زیب نے کہا تھا کہ الیکشن کی تاخیر کیلئے پختونوں کا خون بہانا لازم ہے؟ آج یہ بات کہنے والے ریحان زیب کا ہی خون بہادیا گیا۔
سلمان درانی نے کہا کہ ریاستی مشینری کا اچانک یہ ثابت کرنے پر تل جانا کہ ریحان زیب کو پی ٹی آئی نے قتل کروایا درحقیقت چور کی داڑھی میں تنکا ہے۔
ایک اور صارف نے ریحان زیب کے قتل کا پراپیگنڈہ کرنے والے تمام سوشل میڈیا صارفین کو بے نقاب کیا اور کہا کہ اس گرافک میں موجود ڈیزائن اور ٹیمپلیٹ دیکھ کر باقی نام نہاد چلنے والے ٹرینڈز کے ٹیمپلیٹ دیکھ لیں، آپ قاتل تک خود ہی پہنچ جائیں گے۔
- Featured Thumbs
- https://www.siasat.pk/data/files/s3/13rehanzebbkkhh.png
