مسلم لیگ ق کے سینئر رہنما مونس الہی اور رہنما پی ٹی آئی اعجاز چودھری کے درمیان ٹوئٹر پر نوک جھونک، مونس الٰہی کا اعجازچوہدری کو طعنہ، اعجازچوہدری کا سخت ردعمل
پی ٹی آئی سینیٹر اور سینئر رہنما اعجاز چودھری نے حمزہ شہباز اور ق لیگ کے رہنماؤں کی ملاقات کی خبر شیئر کرتے ہوئے مرزا غالب کے شعر کا سہارا لیتے ہوئے تنقید کی جس پر مونس الٰہی سامنے آگئے اور طنزیہ ردعمل دیا
اعجاز چودھری نے اپنے ٹوئٹر پیغام مرزا غالب کا شعر پڑھ کر تبصرہ کیا کہ ہیں کواکب کچھ نظر آتے ہیں کچھ۔۔ دیتے ہیں دھوکا یہ بازی گر کھلا۔
اس پر مونس الہیٰ نے اعجاز چوہدری پر طنز کرتے ہوئے کہا کہ جیسے آزادی مارچ میں کچھ لیڈران نے تھانے میں جا کر گرفتاری دے دی تھی۔
جس پر اعجاز چوہدری نے جواب دیا کہ مونس بھائی !آپ کے بارے میں میری رائے تھی کہ آپ کو حق و باطل کی پہچان ہے، آپ کے گھر کے لئیے کبھی دعا نہیں کروں گاکہ پولیس وہی کچھ کرے جو میرے گھر اور میرے بھائی کے گھر ہوا۔اپنے والد گرامی سے پوچھ لیجیے
اس پر مونس الٰہی نے کہا کہ چوہدری صاحب ہمیں ایک دوسرے سے نہیں الجھنا چاہئے، ہمارا مشترکہ مخالف ن لیگ ہے، اس پر فوکس کریں۔
جس پر اعجازچوہدری نے جواب دیا کہ مونس صاحب میں آپ سے متفق ہوں۔ لیکن آپ نے میری پہلی ٹویٹ میں شاعرانہ اشعار کا نکتہ مس کر دیا۔ مجھے اپنے بارے آپ کے غلط تبصرے پر افسوس ہے۔
اس پر مونس الٰہی نے اعجازچوہدری سے معذرت کرلی۔
واضح رہے کہ آج چوہدری سالک حسین اور چوہدری شافع حسین کی حمزہ شہباز سے ملاقات ہوئی تھی، دونوں رہنماؤں نے حمزہ شہباز کو بھرپور حمایت کا یقین دلایا اور کہا کہ مشکل وقت میں ہم آپکے ساتھ ہیں اور آُکے ساتھ چلیں گے۔
- Featured Thumbs
- https://www.siasat.pk/data/files/s3/3moonisejazchaudhry.jpg
