مریم نواز نے پارٹی کے معاملات اپنے ہاتھ میں لے لیے،کئی اہم عہدیداروں کی چھٹی کاامکان
تفصیلات کے مطابق پنجاب میں مسلم لیگ ن کو متحرک کرنے اور تنظیم سازی کیلئے مریم نواز نے پارٹی کے معاملات اپنے ہاتھ میں لے لئے ہیں اور پارٹی کے غیرمتحرک عہدیداروں کو عہدوں سے ہٹانے کا فیصلہ کرلیا ہے۔
ذرائع کے مطابق پنجاب میں پارٹی کی تنظیم سازی کیلئے وزیرداخلہ راناثناء اللہ بھی مریم نواز کے ہمراہ ہوں گے اور اہم عہدے پارٹی کے سرگرم اورمحنتی کارکنوں اور رہنماؤں کو دئیے جائیں گے۔
ذرائع کا کہنا ہے کہ مریم نواز ضمنی الیکشن والے حلقوں میں خصوصی دلچسپی لے رہی ہیں اور جلد ضمنی الیکشن والے حلقوں اور مختلف شہروں کا دورہ کریں گی۔
پارٹی کی مقبولیت کے حوالے سے مختلف حلقوں میں پارٹی کے عہدیداروں اور کارکنوں سے تحریک انصاف اور مسلم لیگ ن کی مقبولیت سے متعلق پوچھا جارہا ہے ۔
ذرائع کے مطابق مریم نواز نے مسلم لیگ ن کے قائدنوازشریف کی ہدایت پر پارٹی کی مقبولیت سے متعلق رپورٹس مرتب کرنا شروع کردی ہیں اور تنظیم سازی کا عمل جلدازجلد مکمل کیا جائے گا۔
