مریم نواز کا اعلی اقدام, مریضوں کیلئے اپنا ہیلی کاپٹر پیش کردیا
وزیراعلی پنجاب مریم نواز نے عہدہ سنبھالتے ہی اعلی اقدام کر دکھایا, مریم نواز نے مریضوں کی ایمرجنسی منتقلی کیلئے اپنے ہیلی کاپٹر کے استعمال کی اجازت دے دی,وزیراعلیٰ پنجاب مریم نواز کی زیر صدارت اجلاس ہوا جس میں ایئر ایمبولینس پراجیکٹ پر بریفنگ دی گئی۔
وزیراعلیٰ مریم نواز نے کہا لوگ بروقت اسپتال نہ پہنچنے پر زندگی کی بازی ہار جاتے ہیں، دور دراز علاقوں میں حادثے پر متاثرین کو بر وقت اسپتال پہنچانا ناگزیر ہے,سرگودھا اسپتال میں ہارٹ اٹیک کے مریض کو بےبس دیکھ کر دلی دکھ ہوا، پنجاب میں بہت جلد ایئر ایمبولینس سروس شروع کردی جائے گی,مریم نواز شریف کا کہنا تھا کہ موٹر وے پر بھی ریسکیو 1122سروس شروع کی جائے گی۔
وزیراعلیٰ مریم نواز کی زیر صدارت پنجاب بورڈ آف انویسٹمنٹ اینڈ ٹریڈ پراجیکٹ سے متعلق بھی اجلاس ہوا,وزیراعلیٰ مریم نواز نے سرمایہ کاری کےفروغ کیلئے پلان طلب کرلیا اور مارکیٹ کی ضروریات کا تعین کر کے انڈسٹریل سیکٹرز کی نشاندہی کی ہدایت کی۔
انہوں نے سرمایہ کاروں کو محفوظ انویسٹمنٹ کے مواقع فراہم کرنے کیلئے میپنگ کا حکم بھی دیا اور کہا کہ پنجاب میں موجودصنعتوں کا ڈیٹا اور فیوچر انڈسٹری کے اعداد و شمار بھی مرتب کیے جائیں,مریم نواز کا کہنا تھا کہ سرمایہ کاروں کو ہر طرح کی سہولت اور آسانی فراہم کی جائے، حکومت سرمایہ کاری کے فروغ کیلئے پوری طرح یکسو ہے۔
پی ٹی آئی رہنما راجہ بشارت نے کہا تھا ائیر ایمبولینس منصوبہ مریم نواز کا نہیں بلکہ پرویز الٰہی کا اقدام تھا, پنجاب میں ائیرایمبولینس منصوبہ پرویز الٰہی کا تھا یہ مریم نواز کا اقدام نہیں ہے۔
انہوں نے کہا تھا منصوبے پر کام 2003 میں شروع کیا گیا تھا، میو اسپتال لاہور میں ایمبولینس ہیلی ٹاور تعمیرکیا گیا تھا، شہباز شریف حکومت نے منصوبے پر کام روک دیا تھا,پی ٹی آئی کے دور حکومت میں منصوبے پر دوبارہ کام شروع کیا گیا، ایک دوست ملک سے ائیر ایمبولینس لینے کیلئے معاہدہ بھی طے پایا تھا۔
- Featured Thumbs
- https://www.siasat.pk/data/files/s3/Maryam nawaz heli punjab gv.jpg
Last edited by a moderator:
