مشہور گلوکار علی سیٹھی نےایک مرد سے شادی سے متعلق خبروں پر ردعمل دیدیا ہے۔
تفصیلات کے مطابق دنیا بھر میں مشہور ہونےو الے گانے "پسوڑی" کے گلوکار علی سیٹھی نے اپنی شادی سے متعلق خبروں اور افواہوں پرردعمل دیدیا ہے، انہوں نے ان تمام افواہوں اور خبروں کی تردید کرتے ہوئے کہا کہ میں نے شادی نہیں کی ہے۔
انسٹاگرام سٹوری پرردعمل دیتے ہوئے کہا کہ میں نے کوئی شادی نہیں کی ہے، میں نہیں جانتا کہ ان افواہوں کو پھیلانے کا سلسلہ شروع کس نے کیا۔
انہوں نے مزید کہا کہ جس نے بھی یہ کیا ہو اسے چاہیے کہ میرے نئے گانے کو پھیلانے میں مدد کرے۔
خیال رہے کہ مختلف سوشل میڈیا پلیٹ فارمز پر کچھ روز سے یہ خبریں گردش کررہی تھیں کہ علی سیٹھی نے پاکستانی نژاد امریکی آرٹسٹ سلمان طور سے خفیہ شادی رچا لی ہے۔
ان افواہوں کے پھیلتے ہی علی سیٹھی ٹویٹر کی ٹاپ ٹرینڈنگ میں بھی آگئے تھے اور لوگ اس معاملے پر علی سیٹھی سے جواب طلب کررہے تھے۔
- Featured Thumbs
- https://www.siasat.pk/data/files/s3/13alisethititiit.jpg
