achay aur pyare siasat.pk ke dosto aur sathiyo , aap sab loogon ka dil ki gehraiyon se shukar guzar hoon jo mujhe support kia aap loogon ne , aur itna ziada support kia jis ki koi hadd nahi , aur aap hi loogon ki wajha se main siasat.pk par UNBAN hua hoon , main un loogon ka bhi shukar guzar hoon jin ki soch mujh se milti nahi thi lekin unhon ne bhi bhi mujhe support kia , aur thread starter Aainee ji , Democrate , aur apne aziz e mohtaram aamir uetn ka bhi jinhon ne mere liye threads kholay , aap loogon ka jitna bhi shukria ada karon kam hai , kuin ke main aaj dobara sirf aap sab loogon ki wajha se unban hua hoon
main 21 september ko Permanent ban hua tha , aur us na insafi par mera dil is qadar dukha ke main ne unban hone ke liye aik baar bhi dua nahi ki
Aap sab loogon ko aik Raaz ki baat batata hoon , jis par aap loog yakeen nahi karain ge , main ne pehli baar khud ko unban kerwane ki dua kal Raat ko ki thi , darasal hua kuch aisa tha k main sirf namaz parhne ja raha tha lekin namaz shroo karte waqt mera zehan achanak palat gaya aur main ne namaz shroo karne se pehle soch liya k aaj sari namaz main khud ko unban kerwane ki dua karon ga , Allah ki meherbani se main unban ho gaya hoon
main apne BAN hone ki history main nahi jaon ga , kuin ke agar main ne aisa kia to phir mujhe bohut kuch likhna pare ga , main sirf itna kahon ga ke agar to aap army aur PTI ke supporter ho to phir yeh forum aap ke liye aik
IDEAL PLACE hai , khul kar khelo , maa aur behen ki gaaliyan do , Dhamkiyan do , lekin agar aap ke nazraiyat Sohraab jaise hain to phir is baat ke liye Taiyaar raho ke aap ko kisi bhi waqt Permanent BAN lag sakta hai , aur is baat ki bilkul bhi umeed na rakho ke aap ne forum par kitne saal guzare hain , aap ne 27000 posts ki hain , aap is forum par Khul kar sirf tab hi khel sakte ho agar aap PTI ya Army ke supporter ho , yehi is forum ki haqeeqat hai
main ab UNBAN hoon , lekin aap loogon ko bata doon jahan mujhe aap sab loogon ne support kia , wahan mujhe Atif ne bhi support kia , lekin Atif ko Moderator Chaudhry ne aik din ke liye BAN kia , Atif ke BAN par Muqaddas ne awaz uthai aur Protest kia aur aik thread banaya aur kaha ke agar atif ki is baat par BAN lagta hai to phir mujh par bhi Permanent ban laga do , aur us k baad Muqaddas ko Permanent BAN kar diya Chaudhry ne
Main aaj aap sab loogon se aik baat pochta hoon , Jab muqaddas ne yeh kaha k mujh par Permanent Ban laga do to us ka matlab yeh hargiz nahi tha ke us par permanent BAN laga do , balke yeh Protest aur Gham o ghussay ka aik Izhar tha , lekin Moderator chaudhry ne barre Takabbur se Muqaddas ko BAN kar diya , baad main yeh BAN hata diya gaya lekin aaj 4 din guzar gaye muqaddas Wapis forum par nahi aai , aur Atif bhi Wapis nahi aaya , is liye k purane members hone ke naatay un ki dil aazari hui hai
Main Samajhta hoon ke Atif aik Din ke BAN ke baad Wapis aa jata lekin Jo salook Muqaddas ke saath kia gaya us k baad 4 din se Atif bhi nahi aaya , koi aur wajha bhi ho sakti hai lekin mere khayal se yehi wajha hai
Main ne aap sab ke samne Muqaddas aur Atif ki kahani is liye dali hai kuin ke main in dono ke saath yakjehati ka ahlan karta hoon , aur tab tak forum par aane se Inkar karta hoon jab tak yeh dono aa nahi jate , khaas taur par Atif , kuin ke jis tarha aap sab ne mujhe support kia , ussi tarha mujhe atif ne bhi bharpoor support kia , aur main UNBAN hone k baad is support ko bhool nahi sakta , ab jab tak yeh dono apna Protest khattam nahi karte aur wapis nahi aate , tab tak main bhi kisi thread main POST nahi karon ga aur koi Thread nahi banaon ga , main in dono ki wapsi tak , khass taur par apne dost ATIF ki wapsi tak KHUD ko issi thread tak Mehdood rakhon ga , sirf is thread main baat karon ga BUSSS , aur woh bhi is liye kuin k is thread main mere dost yaar hain , is forum par mere sab se purane dost aamir uetn aur Ainee issi thread main maujod hain aur in dono k ilawa bhi mere bohut se dost is thread main maujod hain , is liye khud ko issi thread tak mehdood rakhon ga jab tak Muqaddas aur Atif wapis aa nahi jate
Ab yahan sawal yeh paida hota hai ke agar mujhe yehi sab karna tha to phir main ne khud ko UNBAN kerwane ki dua kuin ki , to dosto main aik be namazi insan hoon , kal raat ko mere dil main bohut Shiddat se namaz parhne ka khayal aaya , main sirf namaz ki mohabbat main utha , mere dil main yeh khayal nahi tha ke main Khud ko UNBAN kerwane ki dua karon , lekin jab main Wazoo kar raha tha mere dil se yeh khayal guzra ke aaj pehli baar khud ko UNBAN kerwane ki dua karon ga , is khayal main aik aisi shiddat thi ke main aap sab ko bata nahi sakta , aur phir main ne apne liye khoob diya ki , subha uth kar jab apna naam dekha to orange se Green ho chuka tha , bus yeh sari baat Kaifiyaat ki hai , jab dil ki kaifiyaat Allah ki taraf se badalti hain to phir banda bohut kuch Allah se maang leta hai , yeh baatain aap loog nahi samjho gay , Is Admin ke rawaiye se mera itna dil dukha k main ne is admin ko kabhi nahi kaha ke mujhe UNBAN ker do aur na hi main ne Allah se dua ki ke mujhe Allah UNBAN kerwa do , lekin kal raat ko Allah ki taraf se Dil ki Kaifiyaat badal gayi thin , mere liye itna hi kafi hai k jab online hoon to aap sab se is thread main baat kar liya karon , aur jis cheez ne mujhe sab se ziyada dukh diya woh yehi tha k main is forum par apne doston se baat nahi kar sakta tha , Allah aap sab ko mujhe support karne ka ajjar de aameen
Aap loog samjho ge k main siasat.pk ke liye bohut crazy hoon , aur maiin sirf UNBAN hone k liye Dua kar raha tha , nahi yeh baat sach nahi hai , balke sach yeh hai k main Zindagi ki har aik cheez k liye Dua karta hoon , yehi mera taur tareeqa hai
Ab main Wapis aap sab ke darmiyan hoon lekin ,
Lekin kisi bhi thread main Post karne se Inkar karta hoon aur thread banane se bhi inkar karta hoon , sirf is thread main aap sab se baat hogi , Lekin agar ATIF aur Muqaddas wapis aa gaye to phir aap sab se har thread main baat hogi.
Atif mera nazriyati ittehadi nahi hai lekin aap sab ki tarha us ne mujhe support kia hai aur mere liye Adeel se Skype par baat ki hai , balke sirf mere liye hi nahi Perfect Stranger ko bhi support kia hai jab Admin ne Perfect Stranger ko Permanent BAN kia hai , Perfect stranger to atif ka mukhalif tha lekin jab us ke saath ziyadati hui to Atif ne ussay support kia , main is baat ki qadar karta hoon aur Atif aur Muqaddas dono ke saath yakjehti karon ga , aap sab membaron ke saath sirf aur sirf ab issi thread main baat hogi kuin ke is thread main mere sare dost hain , pyare dosto agar wafadaron se waffa nahi ki to samjho kuch bhi nahi kia
Is forum siasat.pk par jo Member army ka Supporter nahi hai jis ki value 2 Takkay ki bhi nahi hai , phir chahay forum par jitna bhi waqt guzara ho aur jitna bhi contribute kia ho
aur agar aap army ke supporter ho to dil khool kar maa behen ki gaaliyan do , dhamkiyan do , aap kabhi bhi ban nahi ho gay , aur agar ho gay bhi to permanent ban nahi hogay , Yehi hai is Forum ki Haqeeqat
Aur sab se barri haqeeqat kia hai , there is no Insaf for Those who are Not Boot Lickers , and i am here again Not because of Insaf , i am here again because you people Supported me , main yahan kabhi bhi na hota agar aap loog mujhe support na karte , mere liye threads na banate , This is the Reality and Justice by ADMIN for All those members who are not Boot Lickers.
I thankyou all my Well wishers , my friends , my supporters ,
BECAUSE i am here again only and only because of your support and help from Allah , I will Support Muqaddas and Atif and i will restrict my self to only this thread of Ainne and i will post only here because all my friends are here in this thread
Thankyou So Much
Jiaaaaaaaaay Bhutto