لاہور میں معروف کاروباری شخصیت سیٹھ عابد کی بیٹی کو گھر میں قتل کردیا گیا ہے،پولیس نے مقتولہ کے لے پالک بیٹے اور گھریلو ملازمہ سمیت تین افراد کو حراست میں لے لیا۔
پولیس کے مطابق معروف کاروباری شخصیت سیٹھ عابد کی بیٹی فرح مظہر کو مسلم ٹاؤن کے علاقے میں واقع ان کے گھر میں قتل کیا گیا۔ پولیس نے جائے وقوعہ سے تین پستول برآمد کرلئے ہیں۔
قتل کے شبہ میں مقتولہ کے لے پالک بیٹے فہد اور گھریلو ملازمہ رضیہ کو حراست میں لیکر شامل تفتیش کرلیا گیا ہے،پولیس کے مطابق مقتولہ کے دو بیٹے اور ایک بیٹی لے پالک ہیں،مقتولہ کا شوہر مظہر امریکا میں مقیم ہے۔
فرح کی بیٹی اپنی والدہ کو سسرال لے کر گئی تھی جہاں ان کے بیٹے نے موقف اختیار کیا کہ ان کی والدہ نے خودکشی کرلی ہے۔
فرح مظہر کے دوسرے بیٹے نے شبہ ظاہر کیا کہ والدہ کا قتل ان کے دوسرے بیٹے نے کیا ہے،وزیراعلیٰ پنجاب حمزہ شہباز نے مسلم ٹاؤن میں سیٹھ عابد مرحوم کی بیٹی کے قتل کے واقعہ کا نوٹس لیا ہے۔
وزيراعلیٰ پنجاب نے آئی جی پنجاب سے رپورٹ طلب کرلی ہے۔ ملزمان کی جلد گرفتاری یقینی بنائی جائے اور اس واقعے کی ہر پہلو سے تحقیقات کی جائیں،حمزہ شہباز نے ہدایت کی کہ مقتولہ کے لواحقین کو ہر صورت انصاف کی فراہمی یقینی بنائی جائے۔
