معروف سماجی روابط کے پلیٹ فارم فیس بک، واٹس ایپ اور انسٹاگرام کی سروسز گزشتہ روز بند ہوئیں تو صارفین نے اپنے لیے ٹوئٹر پر مصروفیت ڈھونڈی، ان سروسز کے متاثر ہونے پر دل کی خوب بھڑاس نکالنے کیلئے میمز شیئر کیں۔
ان پلیٹ فارمز کی انتظامیہ کا کہنا تھا کہ تکنیکی وجوہات کی بنیاد پر سروسز کی فراہمی میں مسائل کا سامنا ہے تاہم اس مسئلے کے جلد ازجلد حل کیلئے کوشش کی جا رہی ہے۔ اس خبر کے سامنے آتے ہی ٹوئٹر پر ہیش ٹیگ چلنے لگے اور صارفین نے اپنے دل کا سارا غبار اس پر نکالا۔
دیگر سوشل میڈیا صارفین کی طرح ٹوئٹرکے شریک بانی اور چیف ایگزیکٹو آفیسر(سی ای او) جیک ڈورسی بھی اس موقع پر پیچھے نہیں رہے۔ جیک ڈورسی نے ایک میم ری ٹوئٹ کی ہے جس میں فیس بک کی فروخت کا اشتہار دکھایا گیا ہے،
اس میمز میں کہا گیا ہےکہ فیس بک ڈاٹ کام فروخت کے لیے دستیاب ہے، اس پر جیک ڈورسی نے لکھا ہے کہ قیمت کتنی ہے؟
- Featured Thumbs
- https://i.ibb.co/Vp81jfN/marka.jpg
