پنجاب بھر میں 9 مئی کے حوالے سے درج ایک سو اڑتیس مقدمات میں پانچ سو سے زائد خواتین مطلوب ہیں، نگران وزیراعلیٰ پنجاب کہتے ہیں فوجی تنصیبات پر حملوں میں ملوث خواتین کسی رعایت کی مستحق نہیں۔ خود گرفتاری دینے کی صورت میں رعایت برتنے کا فیصلہ کرلیا گیا۔
نگران وزیراعلی پنجاب محسن نقوی کہتے ہیں فوجی تنصیبات پر حملوں میں ملوث خواتین کو ہر صورت گرفتار کیا جائے گا۔ پنجاب بھر میں نو مئی کے حوالے سے درج ایک سو اڑتیس مقدمات میں پانچ سو سے زائد خواتین مطلوب ہیں۔
محسن نقوی نے مرد پولیس اہلکاروں کو خواتین کی حراست سے روکتے ہوئے حکم دیا کہ مقدمات میں ملوث خواتین کی گرفتاری لیڈیز پولیس کے ہمراہ یقینی بنائی جائے۔ نگران وزیراعلیٰ نے کہا کہ کوشش کی جائے گرفتار خواتین کو خواتین پولیس اسٹیشن میں ہی رکھا جائے۔ لیڈیز پولیس سٹیشنز میں آکر خود گرفتاری دینے والی خواتین سے رعایت برتنے کا فیصلہ کیا گیا ہے۔
