معروف اینکر پرسن عمران خان کے بعد نجی نیوز چینل کی اینکر پرسن ملیحہ ہاشمی کو بھی آف ایئر کر دیا گیا۔
تفصیلات کے مطابق نجی نیوز چینل پبلک کی جانب سے اینکر پرسن ملیحہ ہاشمی کو آف ایئر کر دیا گیا ، اس کا اعلان اینکر پرسن ملیحہ نے اپنے ٹوئٹر اکاونٹ سے کیا۔
ملیحہ ہاشمی نے ٹوئٹ کی کہ پبلک نیوز نے مجھے آف ائیر کر دیا کیونکہ میں نے عمران خان کو ٹارگٹ کرنے اور قوم کے مجرموں کا دفاع کرنے سے انکار کر دیا تھا، ایسی لاکھ نوکریاں وطن پر قربان۔
اس کے علاوہ اینکر پرسن نے اپنے فیصلے پر ثابت قدمی کا اظہار کرتے ہوئے ایک قطعہ بھی شیئر کیا،
کسی سے بدکلامی نہ کی، نہ کرینگے، چڑھتےسورج کی سلامی نہ کی، نہ کرینگے
یہ دھرتی اپنی ماں ہے، اس سےکیا حساب؟ کسی غیر کی غلامی نہ کی، نہ کرینگے
اس سے قبل نجی نیوز چینل سماء نے اپنے معروف اینکر عمران ریاض خان کو "آف ائیر " کر دیا تھا۔
اس ضمن میں سینئر صحافی عدیل راجہ کی جانب سے ٹوئٹ کی گئی ہے جس میں انہوں نے بتایا ہے کہ سماء ٹی وی نے اپنے اینکر عمران ریاض خان کو آف ایئر کرنے کا فیصلہ کر لیا.. جلد ہی اینکر کو آگاہ کیا جائے گا،وہ اسکرین پر نظر نہیں آئے گا۔
اس کے علاوہ صحافی رضوان احمد غزالی کی جانب سے بھی ٹوئٹ کی گئی جس میں بتایا گیا ہے کہ سماء ٹی وی نے اینکر عمران ریاض کو آف ایئر کردیا۔
واضح رہے کہ چند روز قبل اینکر پرسن عمران ریاض خان نے وزیراعظم عمران خان کا خصوصی انٹرویو کیا تھا جو رات کو 8 بج کر 30 منٹ پر سما ٹی وی پر نشر کیا گیا تھا ۔
- Featured Thumbs
- https://www.siasat.pk/data/files/s3/7maleehaoffair.jpg
