ظفر ہلالی نے کہا کہ یہ حکومت اوورسیز پاکستانیوں کے 3 ملین ووٹ ختم کرنا چاہتے ہیں اور ختم کر بھی رہے ہیں، اس کے بعد عمران خان چپ نہیں بیٹھے گا۔
معروف تجزیہ کار ظفر ہلالی نے نجی چینل سے گفتگو میں کہا کہ اگر الیکشن کمیشن ایمرجنسی صورتحال میں پرانی مردم شماری پر بھی الیکشن کرانا چاہے پھر الیکشن ہو سکتے ہیں۔
انہوں نے کہا کہ جب الیکٹرانک ووٹنگ مشین سے متعلق کہا جاتا ہے کہ اس سے دھاندلی کم ہو سکتی ہے تو پھر ان کو کیا تکلیف ہے کہ یہ ای وی ایم پر الیکشن کرانا ہی نہیں چاہتے۔
ظفرہلالی نے کہا کہ ہمارے ہمسائے ملک بھارت میں ای وی ایم پر الیکشن کرائے جا رہے ہیں تو یہاں پر ٹریننگ کیوں نہیں دلائی جا سکتی۔ یہ جان بوجھ کر انکاری ہیں۔
ان کا کہنا تھا کہ خواجہ آصف نے واضح کر دیا ہے کہ نئے آرمی چیف کا تقرر شہبازشریف ہی کریں گے اور اس کے بعد الیکشن ہوگا۔ ظفرہلالی نے کہا کہ اسی طرح نوازشریف نے ایک چیف کو لگایا جو کئی سال چلا اسی طرح یہ لگانا چاہتے ہیں جو آنے والے وقت میں کئی سال چلے گا۔