وفاقی وزیر دفاع خواجہ محمد آصف نے کہا ہے کہ حکومت کا عمران خان کی گرفتاری کا کوئی ارادہ نہیں ہے۔
تفصیلات کےمطابق پاکستان تحریک انصاف کے رہنما فواد چوہدری کی گرفتاری کے بعد مختلف حلقوں میں چیئرمین پی ٹی آئی عمران خان کی گرفتاری کے امکان کی خبریں بھی گردش کررہی تھیں، تاہم حکومت نے ان خبروں کی تردید کردی ہے۔
مسلم لیگ ن کے سینئر رہنما اور وفاقی وزیر دفاع خواجہ محمد آصف نے جیو نیوز کے پروگرام آج شاہزیب خانزادہ کے ساتھ میں خصوصی گفتگو کرتے ہوئے اگر کوئی الیکشن کمیشن کے گھروں تک پہنچنے کی باتیں کرے گا تو کیا ہم دفاع نہیں کریں گے؟
انہوں نے مزید کہا کہ ان کے دور میں نواز شریف، مریم نواز، شہباز شریف، ان کے بچے ، شاہد خاقان عباسی اور مجھے گرفتار کیا گیا، قیدوں میں رکھا گیا، یہ تو ابھی کل پکڑے گئے ہیں اور انہوں نے ہمیں پوچھنا شروع کردیا کہ ہم نے کیا کردیا، کیا ہمارے لیے الگ قانون ہے اور ان لوگوں کیلئےالگ قانون؟
رہنما ن لیگ نے کہا کہ آج قانون نے ان کے خلاف حرکت کرنا شروع کی ہے تو ان کی چیخیں نکلنا شروع ہوگئی ہیں۔