عمران خان کی جان کو خطرہ، بنی گالا کے اطراف سیکیورٹی ہائی الرٹ
چیئرمین تحریک انصاف عمران خان کی بنی گالا آمد متوقع ہے،بنی گالا کے اطراف سیکیورٹی ہائی الرٹ کردی گئی ہے، اسلام آباد پولیس نے خصوصی سیکیورٹی تعینات کردی۔
ترجمان کے مطابق اسلام آباد میں دفعہ ایک سو چوالیس نافذ کردی گئی ہے، اجتماع پر پابندی ہے،کسی بھی غیرقانونی سرگرمی سے نمٹنے کیلیے پولیس چوکس ہے،عمران خان نے آج بنی گالا میں کور کمیٹی کا اجلاس طلب کررکھا ہے،لانگ مارچ سے متعلق مشاورت ہوگی۔
ترجمان نے کہا کہ بنی گالا میں داخل ہونے والی گاڑیوں کی سخت چیکنگ جاری ہے، مشکوک سرگرمی دیکھی جائے تو فوری 15 پر اطلاع دی جائے،پولیس عمران خان کو قانون کے مطابق مکمل سکیورٹی فراہم کرے گی۔
دوسری جانب بابراعوان کا کہنا ہے کہ عمران خان کی جان کو خطرہ ہے،آئندہ چوبیس سے اڑتالیس گھنٹے بہت اہم ہیں۔
انہوں نے ویڈیو پیغام میں کہا کہ کبھی کبھی لمحے ایسی خطا کرتے ہیں جن کی سزا صدیاں بھگتنی پڑتی ہیں،اس لیے سب کو جاگنا ہوگا۔