Magar Imran Khan ke paas bhi masley ka koi hall nahi hai. Dialogue, dialogue ki ratt se kuch nahi ho ga. Hamen aik taweel ul muddati policy ki zaroorat hai. Jis mein
1-firqawarana tanzeemon ke khilaaf Punjab aur karachi mein police operation hona chahiey
2- Bureacracy aur police ki madad se masley ko administratively tackle bhi krna chahiey
3- Trbal areas mein jahan fauj terrorists ko control kr chuki hai wahan administration ko kahin pyaar se, kahin minnat samajat se, kahin aankh dikha kr aur kahin sakht jawab dey ker is masley per qaabu paana chahiey.
4-Aisi anti terrorism policy banani chahiey jo local traditions ke mutabiq masley ko tackle krey. Logon ko Taliban mein shaamil hone se roka jaye. Hard core terrorists ke thikaanon ka pata laga kr barre terrorists ko eliminate kia jaye. Local populations ko jo Taleban se sympathetic hain unhen incentives dey kr saath milaya jaye aur jab woh saath milen to un ki hifazat ki jaye. Yeh nahi keh aman lashkaron ko Taleban ke rehm o karam per chhorr dia jaye.
Wese Rashid sb aap ko pata hai KPK ki anti terrorist policy kia hai????
Mein bhi kisi barre operation ke haq mein nahi lekin yeh provincial aur central governments ker kia rahi hain. Siwaye rhetoric aur nalaiqi ke in ke palley kuch nahi. Kab tak dialogue dialogue ki ratt lagate rahen gey magar na laiqon ki tarah faarigh baithey rahen gey. Barre operation aur dialogues ke ilawa bhi kai kaam hain krne ke