علی گل پیر نے فردوس عاشق اعوان کی گفتگو نقل کر کے ویڈیو شیئر کردی۔۔یہ ایک ہی وقت میں بہت مضحکہ خیز اور آگاہی دینے والی ویڈیو ہے: سوشل میڈیا صارف
ملک کے معروف کامیڈین، میزبان وسوشل میڈیا ایکٹیوسٹ علی گُل پیر نے سابق سابق وزیر اطلاعات ورہنما استحکام پاکستان پارٹی فردوس عاشق اعوان کی نجی ٹی وی چینل سماء نیوز کے پروگرام ریڈلائن میں کی گئی گفتگو پر مزاحیہ اور دلچسپ ویڈیو بنائی جس سے سوشل میڈیا صارفین لطف اندوز ہو رہے ہیں اور تبصرے کیے جا رہے ہیں۔
علی گل پیر نے فردوس عاشق کی گفتگو کی مزاحیہ انداز میں نقل کی ، انہوں نے ویڈیو شئیر کرتے ہوئے لکھا کہ: تھری سٹیجز آف لو ایکسپلینڈ بائی ڈاکٹر لو آئی مین ڈاکٹر فردوس عاشق اعوان!
اس موقع پر علی گل پیر نے مختلف گیٹ اپس بھی اپنائے۔
فردوس عاشق اعوان پروگرام میں چیئرمین پی ٹی آئی عمران خان کی اہلیہ بشریٰ بی بی کے حوالے سے تبصرہ کرتے ہوئے کہنا تھا کہ: کسی شخص کو ہپناٹائز، میگناٹائز اور میسمرائز کر لیا جائے تو اس کے بعد وہ وزیراعظم یا کسی بھی عہدے پر ہووہ صرف اور صرف آپ کے حکم کا پابند ہو جائےاور باقی تمام اداروں، کابینہ، پارٹی لیڈرشپ کی بات غیر اہم ہو جائے تو اس پر میری سائنس بھی فیل ہو جاتی ہے حالانکہ میں ڈاکٹر ہوں!
علی گل پیر کی طرف سے ویڈیو ٹوئٹر پر شیئر کیے جانے کے بعد سوشل میڈیا صارفین نے تبصرے کرتے ہوئے ویڈیو کو بہترین قرار دے دیا۔ سینئر صحافی نادر بلوچ نے ویڈیو پر ردعمل دیتے ہوئے لکھا: دی لیجنڈ!
ایک خاتون نے لکھا کہ: اس میں سب سے اچھا حصہ ہپناٹائز والا ہے، یہ ایک وقت میں بہت ہی مضحکہ خیز اور آگاہی دینے والی ویڈیو ہے، آپ ایک باصلاحیت فنکار ہیں۔
ایک صارف نے لکھا کہ: یہ علی گل پیر کی زندگی بھر کی ہپناٹائزنگ، میگنیٹائزنگ اور مسحورکن کارکردگی ہے!
امبر نے لکھا کہ: میری بھی سائنس فیل ہو گئی!
ایک صارف نے لکھا کہ: میسمرائزڈ ، میگنیٹائزڈ، ہپناٹائزڈ! مجھے بھی ڈاکٹر فردوس لو اعوان سوامی کی اپائنٹمنٹ چاہیے!
- Featured Thumbs
- https://www.siasat.pk/data/files/s3/fardousahaiaa.jpg
