تحریک انصاف کے منحرف رہنما جہانگیر خان ترین کے صاحبزادے علی خان ترین چینی بحران کے حوالے سے تحریک انصاف حکومت کے اقدامات کی تعریف کرنے لگے ہیں۔
تفصیلات کےمطابق علی خان ترین نے ٹویٹر پر ایک بیان جاری کیا جس میں انہوں نے تحریک انصاف کی حکومت کی جانب سے گنے کی فصل کاشت کرنے والے کسانوں کو بروقت ادائیگیوں کے حوالے سے کیے جانے والے اقدامات کو خراج تحسین پیش کیا۔
مائیکرو بلاگنگ ویب سائٹ ٹویٹر پر اپنے بیان میں علی خان ترین نے کہا کہ اگرچہ پی ٹی آئی کی حکومت نے چینی کی فروخت اور امپورٹ کے معاملے پر شدید بدانتظامی کا مظاہرہ کیا مگر یہ بھی سچ ہے کہ اس حکومت کے دور میں یہ بھی یقینی بنایا گیا کہ کسانوں کو بروقت ادائیگیاں کی جائیں۔
علی ترین نے کہا کہ حکومتی اقدامات کی وجہ سے کسانوں کو وقت پر ہی ان کی پوری رقم مل گئی جس سے وقت پر ادائیگیاں کرنےوالی اور نہ کرنے والی شوگر ملوں کے درمیان مقابلے کیلئے کھیل کے میدان کو برابر کرنے میں مدد ملی۔