آریان خان کو گرفتار کرنے والے افسر کی جاسوسی۔۔ سیکیورٹی مانگ لی
بالی ووڈ کنگ شاہ رخ خان کے بیٹے آریان خان کو گرفتار کرنے والے افسر نے انکشاف کیا ہے کہ کئی روز سے ان کا پیچھا کیا جارہا ہے،آریان خان کو منشیات کیس میں گرفتار کرنے والے نارکوٹکس کنٹرول بیورو کے زونل ڈائریکٹر سمیر وانکھیڈے نے ممبئی کے اوشیوارا پولیس اسٹیشن میں شکایت درج کرائی ہے کہ گزشتہ کچھ روز سے ان کا پیچھا کیا جارہا ہے۔
افسر سمیر وانکھیڈے کا کہنا ہے کہ اپنی والدہ کی قبر پر جاتے ہوئے احساس ہوا کہ کوئی مسلسل میرے پیچھے آرہا ہے، مجھے شک ہے کہ میری جاسوسی کی جارہی ہے،پولیس کے دو افسران کے ہمراہ دو افراد ان کے قبرستان جانے کی سی سی ٹی وی فوٹیج بھی ساتھ لے گئے،سمیر وانکھیڈے نے اپنے دعوے کو ثابت کرنے کے لیے پولیس کو ثبوت بھی پیش کردیئے ہیں،سمیر نے اپنے اور اہلخانہ کیلئے سخت سکیورٹی فراہم کرنے کا مطالبہ کردیا ہے۔
ممبئی سیشن کورٹ نے کروز شپ منشیات کیس میں کی درخواستِ ضمانت مسترد کرچکی ہے، درخواستِ ضمانت کی سماعت بدھ تک ملتوی کردی گئی تھی،ممبئی سیشن کورٹ نے نارکوٹکس کنٹرول بیورو (این سی بی) کو منشیات کیس میں بدھ تک اپنا جواب جمع کروانے کا حکم دیا ہے،نارکوٹکس کنٹرول بیورو نے اس کیس میں اب تک 20 افراد کو گرفتار کرلیا ہے،این سی بی نے کروز شپ پر ایک پارٹی کے دوران چھاپا مارکر آریان سمیت 18 افراد کو حراست میں لیا تھا۔
- Featured Thumbs
- https://i.imgur.com/SSGza6F.jpg
