Zara yeh sumjhain keh sindh ki tuqseem hogi to kaise? Aap kay mutabiq, sindhi bharat ki turaf jana chahtay hein
aur aap mohajir suba mangtay hein! to phir sindhion ko janay dein jo baaqi buchay ga woh mohajir suba, musla kia hay?
Ub sindh koi cake to hay nahin jo aap kaat ker karachi aur hyderabad ka piece ulehda kur lein gay! Kaisay hoga yeh sub? Kon kurnay dega?
Sindh Ki Taqseem Mutahida nahin chahti per mutahid amein kuch elements hein jo Sindhi qaum parastoon or peoples Party ki policies ki waja se is tarah jazbaat mein buhat kuch bol detey hein, darhaqiqat Sindh ki reality buhat badal chuki hei or dheerey dheerey mutahida androon sindh bhi apna rasookh barha rahi he. Sirf Urdu speaking hi nahin ab dosri qomiyatoon ke log bhi Sindh ki satah tak to mein khud shahid hoon mutahid amain shamil ho chukey hein or is waqt Sindh mein Ghair sindhiyoon ki numainda jamat Mutahida ban chuki he. Mulk mein agar ghair janibdaar mardum shumari ho to yeh haqaiq bhi samney aa jain ge ke kitney Sindhi or ghair sindhi sind main muqeem hein. Eik bari tadad Panjabi Abadgaar jo ke sindh mein muqeem hein woh ab mutahida ke vooters hein is s epeshtar yeh vote bank Muslim leag Noon, Functional or jamat islami ko jata tha.
1998 ki mardum shumari ke mutabiq No shero feroz ki abadi 400 % ke hisaab se barhi. Jab ke karachi ki sharah abadi ka tansub bhi 100 % ke hisab se nahin baraha jabke Karachi mein Abadi ki normal Sharah ke illawa Mulk ke degar hisson se rozgaar ke liye aaney waley bhi abadi ki sharah barhatey hein. yeh eik roshan misal he bogus mardam shumari ki. Isi Jali mardum shumari ke bunyad per noshero feroz ko zila ka darja ddye gaya or seats barhayi gayeen. Agar aap simple Karachi hyderabad or androon sindh ke intekhabat ke nataij ko dekhen to aap ko jeetney waley membraab ke vooton mein eik buhat bara farq nazar aaye ga androon sindh se 10000 se 20000 votes per umeedwar jeet jata he jab ke karachi or hyderbad mein yehi jeet ka tanasub 40 se 60 hazar tak jata he. Agar sahih tor per abadi ki sharah ke hisaab se seats ka tansub rakh jaye to is misaal se sabit hota he ke sindh ke sheri illaqon ki abadi sindh ki abadi ke 50 % se zada hei or aksirayt sheri halqoon ko hini chahiye jab ke ground reality is ke bar aks he. is mein sab se bara qasoor un panjabi abad garoon ka he jo ke apna vote sindh mein registered nahin karatey agar panjabi abadgaar sahih manoon mein apney aap ko sindh mein registered karen to is waqt Sindh main Pashtoonon se zada aksaryat Panjabi abadgaroon ki he, Panjabi abadgar ka vote bank jo ke registered bhi he woh naam nihad parties ke pass taqseem he or jis ke baais woh apni taqat ka izhaar sindh ki siasat mein nahin kar saktey.
Panjab ke leaders bhi is simt mein koi qadam nahin utahtey or apni local siasat mein magan rehtey hein. yeh mehraan university wala waqia koi pehli baar to hua nahin he is peshtar bhi Sindhi qaum parastoon ke zulm gham or ghussa ka nishana tamam ghair sindhi bantey rahey hein, jaisa ke 27 decmeber benazir ka qatal sirf ghair sindhyoon ki amlaak ko nuqsaan pohanchya gaya. Aaj Tak la tadad larkiyan jo ke aghwa hueen unka kuch pata nahin lekin badqismati ki bat he aksar is foram or is jaisey dosrey forums per ya kisi news channel or talk show mein is per kabhi koi bat nahin ki gayi. Androon sindh ke Ghair Sindhi (Bashmool Urdu Speaking, Panjabi, Saraiki, or Pashtoon) Hamesha eik hi lathi se hankey jatey hein, Agar is waqt Androon sindh muqeem Ghair sindhiyoon ko apni baqa ke hawaley se dekhna ho to sirf wahid jamat MUtahida he jis ke baais yeh sindhi qaum parast jamatein qabo mein hain.
yeh mere alfaz woh noha hein jis ko roney ke liye panjabi abadgaroon ko forum tak nahin milta. Mulk ki tareekh se hum abadgaroon ne yehi sabaq seekha he ke jahan hein wahan lartey lartey mar jain to behter he kiyon ke Saniha Mashriqi Pakistan ke waqt jin bihari pakistaniyoon ne Pakistan ki jang lari woh aaj 40 saal bad tak Camps mein muqeem hein or jis pakistan ki baqa ki jang mein unhoon ne hisa liya woh Pakistan ab unki yad mein eik din bhi nahin manata.