نجی ٹی وی چینل سماءسے وابستہ معروف اینکر پرسن عمران خان کو "آف ائیر " کرنے کا فیصلہ کر لیا گیا۔
تفصیلات کے مطابق نجی نیوز چینل سماء نے اپنے معروف اینکر عمران ریاض خان کو "آف ائیر " کرنے کا فیصلہ کر لیا،اینکر عمران خان اب سکرین پر نظر نہیں آئیں گے۔
نجی نیوز چینل کی جانب سے اینکر پرسن کو "آف ائیر " کرنے کے حوالے سے کوئی وجہ بھی تاحال نہیں بتائی گئی۔
اس ضمن میں سینئر صحافی عدیل راجہ کی جانب سے ٹوئٹ کی گئی ہے جس میں انہوں نے بتایا ہے کہ سماء ٹی وی نے اپنے اینکر عمران ریاض خان کو آف ایئر کرنے کا فیصلہ کر لیا.. جلد ہی اینکر کو آگاہ کیا جائے گا،وہ اسکرین پر نظر نہیں آئے گا۔
اس کے علاوہ صحافی رضوان احمد غزالی کی جانب سے بھی ٹوئٹ کی گئی جس میں بتایا گیا ہے کہ سماء ٹی وی نے اینکر عمران ریاض کو آف ایئر کردیا۔
واضح رہے کہ چند روز قبل اینکر پرسن عمران ریاض خان نے وزیراعظم عمران خان کا خصوصی انٹرویو کیا تھا جو رات کو 8 بج کر 30 منٹ پر سما ٹی وی پر نشر کیا گیا تھا ۔