گزشتہ روز اڈیالہ جیل میں سائفر کیس کی سماعت ہوئی لیکن عدالتی حکم کے باوجود میڈیا نمائندوں کو سماعت کی کارروائی دیکھنے کی اجازت نہیں دی گئی۔ جیل میں کچھ نامعلوم افراد کو بھی بٹھایا گیا جنہیں یہ ظاہر کیا گیا کہ یہ عوام ہے اور کاروائی دیکھنے کو آئی ہے۔
عمران خان کے وکیل نعیم حیدر پنجوتھہ نے کہا کہ اوپن ٹرائل کا ڈرامہ کیا جا رہا ہے۔سائفر کیس میں دوران سماعت جب پوچھا گیا کہ یہ 8/10 نامعلوم لوگ کون ہیں تو کہا گیا کہ یہ پبلک ہے .ان میں سے کسی ایک بندے کو نہ عمران خان صاحب یا ان کی فیملی جانتی ہے اور نہ ہی لیگل ٹیم جانتی ہے تو یہ کون لوگ تھے ؟ یہ وہاں کیا کررہے تھے؟
انکا مزید کہنا تھا کہ سائفر کیس پہلے چھپا کے کیس درج کیا گیا،پھر چھپا کے گرفتاری ڈالی گئی،پھر چھپا کے ریمانڈ،پھر چھپا کے ٹرائل،پھر سائفر کے رولز مانگے گئے تو وہ سیکرٹ ،پھر عدالت میں خفیہ رپورٹ پیش کی گئی کہ یہ حساس اداروں کی خفیہ رپورٹ ہے۔کبھی آپ نے ایسے کیس چلتے دیکھا؟
انہوں نے مزید کہا کہ سائفر کیس میں عدالت نے حکم دیا کہ وکلاء،صحافیوں،اور عام پبلک کی رسائی ہو گی لیکن پہلے تو کافی دیر باہر کھڑا رکھا گیا پھر 14 وکلاء میں سے 7 کو اجازت دی گئی،عام پبلک کے نام پر نامعلوم افراد کو درمیان میں بیٹھایا گیا،صحافیوں کو اجازت نہیں دی گئی اور جب سماعت ختم ہوئی تو اس وقت تین صحافیوں کو اندر جانے دیا کیا یہ اوپن ٹرائل ہے ؟ ہم ایسے ٹرائل کو نہیں مانتے!
ثاقب بشیر نے کہا کہ جیل کے باہر تو کوئی پبلک اندر نہیں گئی لیکن آج کی جیل سماعت میں موجود پی ٹی آئی وکیل کا دعویٰ ہے کہ آٹھ دس لوگ سماعت کے دوران موجود تھے جو جیل کے قیدی تھے
اویس یوسفزئی نے اس پر تبصرہ کیا کہ سمجھ یہ نہیں آ رہی کہ میڈیا سے کیا ڈر ہے؟ میڈیا کو سماعت کی کوریج سے کیوں روکا جا رہا ہے؟ کیس پراسیکیوشن نے لڑنا ہے، عمران خان کے وکلا نے اپنا دفاع پیش کرنا ہے۔ میڈیا کا کام صرف دونوں کے دلائل اور عدالت کا فیصلہ عوام تک پہنچانا ہے
صحافی فیاض محمود نے کہا کہ میڈیا کو مکمل رسائی نہ دیکر عدالتی فیصلے کی دھجیاں اڑائی گئیں
زین قریشی نے اس پر دعویٰ کیا کہ جیل ٹرائل میں پبلک نہ ہونے پر عمران خان صاحب نے شور مچایا تو تین لوگ بیٹھادیئے گئے تو بظاہر ایجنسی کے لگ رہے تھے۔
- Featured Thumbs
- https://www.siasat.pk/data/files/s3/naim11hi1h1.jpg
