وزیراعظم شہباز شریف نے عوام کو یوٹیلٹی اسٹورز پر عوام کو بڑا ریلیف دینے کا اعلان کا فیصلہ کرلیا ہے جس کے تحت عوام کو آٹا، چینی، گھی، دالیں اور چاول سستے داموں پر دستیاب ہوں گے۔
خبررساں ادارے کی رپورٹ کے مطابق وزیراعظم شہباز شریف نے یوٹیلٹی اسٹورز پر عوام کوایک سال کیلئے 68 ارب روپےمالیت کا ریلیف پیکج دینے کا فیصلہ کیا ہے۔
وزیراعظم کی خصوصی ہدایات پر وزارت صنعت وپیداوار نے سمری تیار کرلی ہے جس کی منظوری ای سی سی اور کابینہ سے لی جائے گی۔
6 جولائی کو ہونے والے ای سی سی کے اجلاس میں یہ سمری پیش کیے جانے کا امکان ہے،اس حکومت اقدام کا مقصد مہنگائی کے بلند اعدادوشمار سے غریب عوام کو بچانے کی ایک کوشش ہے۔
حکومت نے اس پروگرام میں پانچ بنیادی اشیاء پر سبسڈی دینے کیلئےب68 ارب روپے کا پیکج مختص کرنے کا فیصلہ کیا ہے، جس کے تحت آٹا، چینی، گھی، دالیں اور چاول سستے داموں پر عوام کو فراہم کیے جائیں گے۔
دوسری جانب یوٹیلٹی سٹورز پر گھی نہ ہونے کی شکایات میں اضافہ ہورہا ہے، یوٹیلٹی سٹورز پر لمبی لائنوں کی شکایات بھی عام ہیں، صارفین کا کہنا ہے کہ کئی کئی گھنٹے لائنوں میں کھڑا رہتے ہیں، جب وہ یوٹیلٹی سٹورز کے اندر جاتے ہیں تو وہاں گھی نہیں ہوتا بلکہ مہنگے گھی دستیاب ہوتے ہیں جن کی قیمت 550 سے زائد ہوتی ہے۔