گولڈن مین کے نام سے شہرت پانے والے شہری نے وزیراعلی حمزہ شہباز سے ملاقات کی تو عوام اسے نظرانداز کرنے لگے۔ جس کا شکوہ خود گولڈن مین نے کر دیا اور اب عمران خان سے ملنے کی خواہش کا اظہار کر دیا۔
گولڈن مین کے نام سے مشہور کراچی کا شہری محمد احسان کاظمی وزیراعلی پنجاب کی دعوت پر ان سے ملنے گیا تو پاکستانی عوام کو اچھا نہ لگا اور اس کے بعد اسے گلیوں سڑکوں اور چوراہوں میں موجود ہونے کے باوجود نظر انداز کیا جانے لگا۔
گولڈن مین کا کہنا ہے کہ اب لوگ اسے برابھلا کہتے ہیں اور اس کو نظرانداز بھی کیا جانے لگا ہے لوگ اگر ملتے ہیں تو کہتے ہیں کہ میں نے غلط انسان سے ملاقات کی ہے جو مجھے نہیں کرنی چاہیے تھی۔
احسان کاظمی نے اس خواہش کا اظہار کیا ہے کہ اب عمران خان اسے اپنے پاس بلائیں اور اسے گولڈ مین آف پاکستان قرار دیں تاکہ اسے بھی لوگوں کی محبت مل سکے۔
یاد رہے کہ احسان کاظمی نامی یہ نوجوان چہرے ، کپڑوں اورجسم پر سنہرے رنگ کا پینٹ کر کے گولڈمین بن کر اسٹریٹ آرٹ کا مظاہرہ کرتا ہے۔ اس کے تین چھوٹے بہن بھائی ہیں جن سب کی کفالت اس کی ذمہ داری ہے۔
