وفاقی وزیر اطلاعات و نشریات مریم اورنگزیب نے ایک بیان میں عمران خان کو شدید تنقید کا نشانہ بناتے ہوئے کہا ہے کہ ایک مغرور کہتا تھا کہ کسی کے آنے جانے سے کوئی فرق نہیں پڑتا، آج وہ عبرت کی زندہ مثال بنا ہوا ہے۔
تفصیلات کے مطابق مریم اورنگزیب نے مائیکروبلاگنگ ویب سائٹ ٹویٹر پر اپنے بیان میں ایک شعر لکھا " دل کے پھپھولے جل اٹھے سینے کے داغ سے۔۔۔ اس گھر کو آگ لگ گئی گھر کے چراغ سے"۔
مریم اورنگزیب نے کہا کہ آج پی ٹی آئی کی روح نکل گئی ہے، تکبر، ضد ، انا، اپنی ذات اور مفادات کے بت کا ہاؤس آف کارڈز دھڑام سے زمین بوس ہوگیا ہے، پارٹی بنانے والوں کے چلے جانے سے اب صرف بت باقی رہ گیا ہے۔
مریم اورنگزیب نے صحافی باقر سجاد کے گھر پر نامعلوم افراد کے حملےسے متعلق نوٹس لیتے ہوئے کہا ہے کہ اس حوالے سے آئی جی پنجاب سے بات کی ہے، انہوں نے یقین دہانی کروائی ہے کہ اس معاملے کو ترجیحی بنیادوں پر حل کیا جائے گا۔
