وفاقی وزیر خارجہ بلاول بھٹو زرداری نے کہا ہے کہ ادارے خود کو متنازعہ سے آئینی کردار کی طرف منتقل کررہے ہیں جس کی میں حوصلہ افزائی کرتا ہوں۔
تفصیلات کے مطابق وفاقی وزیر خارجہ بلاول بھٹوزرداری نے اسلام میں صحافیوں سے گفتگو کرتے ہوئے کہا کہ پاکستان تحریک انصاف کی حکومت کے خلاف عدم اعتماد کی تحریک کے بعد سے ریاستی اداروں نے خود کو متنازعہ سے آئینی کردار کی جانب منتقل کرنا شروع کردیا ہے، میں اداروں کی جانب سے اس متنازعہ سے آئینی کردار کی طرف منتقلی کے اس عمل میں کوئی غلط فہمی پیدا نہیں کرنا چاہتا۔
عاصمہ جہانگیر کانفرنس میں علی وزیر کی رہائی کیلئے لگنے والے نعروں پر اپنے ردعمل سے متعلق سوال کے جواب میں بلاول بھٹو زرداری کا کہنا تھا کہ جو نعرےلگائے گئے اور جومیں نے جواب دیا وہ نامناسب تھا، بطور وفاقی وزیر مجھے نعروں کا بہتر انداز میں جواب دینا چاہیے تھا۔
انہوں نے مزید کہا کہ اس کانفرنس میں وفاقی وزراء، سفیر اور غیر ملکی شخصیات مدعو تھیں، اس کانفرنس میں لگنے والے نعرے نامناسب تھے، ہم سب نے مل کر دہشت گردی کا مظاہرہ کیا ہے اور ہم سب ہی اس کا شکار رہے ہیں، پاک فوج آج تک دہشت گردی کے نشانے پر ہے اور دہشت گردی کا سامنا کررہی ہے، دہشت گردی سے عام شہری،میرا خاندان اور ہمارے سپاہی متاثر ہوئے، اس دہشت گردی کا مقابلہ کرنے کیلئےپاک فوج نے صف اول میں اپنا کردار ادا کیا۔
وفاقی وزیر نے صحافیوں سے گفتگو کرتے ہوئے کینیا میں پاکستان کے سینئر صحافی ارشد شریف کے قتل کی مذمت بھی کی اور کہا کہ کینیا میں پاکستانی سفارت خانہ اس معاملے کو دیکھ رہا ہے، تحقیقات کے بعد آگلا لائحہ عمل تشکیل دیں گے، مشکل کی اس گھڑی میں ہمیں ارشد شریف کے اہلخانہ کا احساس کرنا چاہیے۔
- Featured Thumbs
- https://www.siasat.pk/data/files/s3/12blawalwazaahonnaaary.jpg
