سپریم کورٹ کے جج جسٹس اعجاز الاحسن نے سپریم کورٹ میں بینچز کی تشکیل پر سوال اٹھادیئے ہیں، قانونی ماہرین و صحافیوں کی جانب سے ردعمل کا سلسلہ جاری ہے۔
تفصیلات کے مطابق سپریم کورٹ کے سینئر جج جسٹس اعجاز الاحسن نے ایک خط لکھ کر سپریم کورٹ میں بینچز کی تشکیل پر سوالات اٹھادیئے ہیں، جسٹس اعجاز الاحسن نے کہا کہ ملٹری کورٹس کیس میں سات رکنی بینچ کا فیصلہ ہوا مگر بینچ چھ رکنی بنادیا گیا،جو میٹنگ منٹس جاری کیے گئے وہ بھی غلط تھے۔
انہوں نے مزید کہا کہ سپریم کورٹ کے دو خصوصی بینچز کی تشکیل کا معاملہ پریکٹس اینڈ پروسیجر کمیٹی کے سامنے نہیں آیا نا ہی اس حوالے سے کوئی کمیٹی تشکیل دی گئی۔
جسٹس اعجاز الاحسن کے اس خط نے ایک نئی بحث چھیڑ دی ہے،سینئر صحافی و کورٹ رپورٹر عبدالقیوم صدیقی نے کہا کہ کیا کوئی جج خود اپنے لیے جج بن سکتا ہے؟ جسٹس اعجاز الاحسن کیا یہ چاہتے ہیں کہ میرے خلاف فیصلے کے خلاف اپیل کیلئے بینچ بھی میں خود بناؤں؟ شائد وہ ون کانسٹی ٹیوشن والی ترتیب چاہتے ہیں۔
صدیق جان نے کہا کہ پتا تو پورے پاکستان کو پہلے سے تھا، جسٹس اعجاز الاحسن صاحب نے خط لکھ کر بینچ فکسنگ پر مہر ثبت کردی۔
ڈاکٹر شہباز گل نے کہا کہ جسٹس اعجاز الاحسن نے منافقوں کے چہروں سے نقاب اتاردیئے۔
انوار لودھی نے لکھا کہ سپریم کورٹ کے اندر بنچ بنانے سے متعلق دھاندلی کو بینقاب کرنے پر جسٹس اعجاز الحسن صاحب کا شکریہ، اگر سپریم کورٹ جیسا ادارہ اپنے ہی بنائے اصولوں کی پاسداری نہیں کرتا تو ہھر اس ملک کا اللہ ہی حافظ ہے۔
فیصل خان نے کہا کہ جسٹس اعجاز الاحسن نے آج بنچ فکسنگ ایکسپوز کرکے مافیا کو للکارا ہے، مافیا بہت جلد جسٹس اعجاز الاحسن پر حملہ آور ہوکر کردار کشی کریں گے۔
عامر خاکوانی نے لکھا کہ جسٹس اعجاز الاحسن نے وہی طریقہ اپنایا جو جناب جسٹس قاضی فائز عیسیٰ نے کیا تھا، یعنی خط لکھنے کا۔ جسٹس اعجاز کے خطوط اہم اور سنگین مسئلے کی نشاندہی کر رہے ہیں۔
راجہ محسن نے کہا اب لگتا ہے جسٹس اعجازالاحسن کی باری ہے، پٹیشن آج آئی کہ کل آئی ، جو بھی جرات کرے گا وہ کردار کشی مہم اور اسی مہم کی بنیاد پر کیس کے لیے تیار رہے۔
فیاض راجا نے کہا کہ ابھی سپریم کورٹ کے سینئر جج، جسٹس اعجاز الاحسن نے قاضی صاحب کی دھاندلی پر پہلا خط لکھا ہے، اس خط کے بعد وڈے اینکروں، ویلے کالم نگاروں ، ملازم صحافیوں، چ دانشوروں اور گ تجزیہ کاروں کی آواز بند ہوگئی ہے۔
جنید نے لکھا کہ20 اگست 2023 کو صدر پاکستان نے آفیشل سیکرٹ ایکٹ ترمیمی بل سے متعلق فراڈ کی نشاندہی کی،11 دسمبر 2023 کو جسٹس اعجاز الاحسن نے بینچ تشکیل میں فراڈ کی نشاندہی کی۔
عدنان یعقوب نامی صارف نے کہا کہ جسٹس اعجاز الحسن نے آج #بینچ_فکسنگ کرنے والوں کو بے نقاب کر دیا ،،، ماضی میں خود کو بڑا لبرل ، منصفی اور حلف کا پاسدار ثابت کرنے والے کا اصل چہرہ قوم نے بھی دیکھ لیا۔
- Featured Thumbs
- https://www.siasat.pk/data/files/s3/4isaejajamny samnyss.png
