'جنرل فیض کا نام غلطی سے لیا'، غریدہ فاروقی نے مولانا فضل الرحمان کے انٹرویو سے متعلق ٹویٹ ڈیلیٹ کردی
سینئر صحافی واینکر پرسن غریدہ فاروقی نے جمعیت علمائے اسلام ف کے سربراہ مولانا فضل الرحمان کا انٹرویو کیا اور اس انٹرویو کے حوالے سے کی گئی ایک ٹویٹ ڈیلیٹ کردی ہے۔
تفصیلات کے مطابق غریدہ فاروقی نے مولانا فضل الرحمان کا ایک انٹرویو کیا ہے جو آج شام نجی ٹی وی چینل پر نشر کیا جائے گا، غریدہ فاروقی نے انٹرویو کی جھلکیاں شیئر کرتے ہوئے ایک ٹویٹ کی جس میں لکھا تھا کہ" جنرل فیض کا نام غلطی سے لیا، وہ ان کے بعد والے تھے، مولانا فضل الرحمان کا تہلکہ خیز انٹرویو، کیا جنرل باجوہ کے ردعمل کے بعد مولانا حلف پر یہ بیان دیں گے"۔
غریدہ فاروقی نے یہ ٹویٹ تھوڑی ہی دیر بعد ڈیلیٹ کردیا اور اس کی جگہ نیا ٹویٹ جاری کیا جس میں سے " جنرل فیض کا نام غلطی سے لیا، وہ ان کے بعد والے تھے" والی لائن نکال دی گئی تھی۔
جی ٹی وی کی جانب سے شیئر کی گئی ویڈیو میں بھی اس حصے کو کاٹ دیا گیا ہے
صحافی جمی ورک نے اس معاملے پرردعمل دیتے ہوئے کہا کہ اب انٹرویو سے "بعد والے" کے بارے میں جو حصہ ہے وہ بھی حذف کردیا جائے گا۔
عدیل راجہ نے کہا کہ سینسر نہ کریں اصل نام بتائیں-
امبر قریشی نے کہا کہ جلد بازی میں غریدہ فاروقی اکثر ایسی غلطیاں کرتی ہے کہ پکڑی جاتی ہیں۔
ایک صارف نے کہا کہ اب انٹرویو سے بھی یہ حصہ کاٹ دیا جائے گا تاہم یہ بات دنیا تک جاچکی ہے، مجھے لگتا ہے کہ مئی یا جون تک پاکستان کو خان کے حوالے کردیا جائے گا۔
ایک صارف نے لکھا کہ اب ایسا نہیں چلے گا کہ غلطی ہوگئی ، آپ نے غلطان کردیا ہے۔
