اٹلی کے شہر ریاچے کے سابق میئر ڈومنک لوکانو کو جعلی شادیوں کی منظوری دینے پر 13 سال اور دو ماہ قید کی سزا سنا دی گئی۔
تفصیلات کے مطابق مہاجرین کی آبادکاری سے عالمی شہرت حاصل کرنے والے اٹالین شہر.کے سابق میئر ڈومنک لوکانو کو جعلی شادیوں کی منظوری دینے اور ٹینڈر کے بغیر ٹھیکے دینے سمیت غبن اور اختیارات کے ناجائز استعمال سمیت مختلف الزامات میں 13 سال اور 2 ماہ قید کی سزا سنا دی گئی۔
63 سالہ سابق میئر پر الزام تھا کہ لوکانو نے ریاچے شہر کے مردوں اور غیر ملکی خواتین کے درمیان جعلی شادی کی منظوری دی تھی کی تاکہ خواتین اطالوی رہائشی اجازت نامے حاصل کرسکیں۔
اس کے علاوہ لوکانو پر مہاجرین کی مدد کے لیے مختص سرکاری فنڈز بشمول پانچ ملین یوروز کا غلط استعمال کرنے کا بھی الزام ہے، فنڈ کو تارکین وطن کی مدد کے لیے استعمال نہیں کیا گیا تھا۔
واضح رہے کہ اطالوی میئر ڈومنک لوکانو نے تارکین وطن کے لیے ایک گاؤں آباد کیا تھا جس میں 450 تارکیں وطن کو پناہ دی گئی تھی۔ اس گاؤں کو عالمی سطح پر پذیرائی ملی تھی اور اسے اب بھی ’’ریاچے ماڈل‘‘ کے نام سے یاد کیا جاتا ہے،اس اقدام کے لئے انھیں کئی اعزازات سے بھی نوازا گیا تھا۔
- Featured Thumbs
- https://i.ibb.co/t2dkCyT/11.jpg
