مشہور ترک ڈرامہ سیریل ارطغرل غازی میں عبدالرحمان کے کردار نبھانے والے ترک اداکار جلال آل نے پاکستانیوں کو جشن آزادی کی مبارکباد پیش کرنے کیلئے منفرد انداز اپنایا۔
تفصیلات کے مطابق مشہور ترک اداکار جلال آل نے پاکستان کی یوم آزادی کے موقع پر جاری کردہ ویڈیو پیغام میں اردو زبان میں پاکستانیوں کو مبارکباد پیش کی۔
جلال آل نے کہا کہ میں یوم آزادی کے موقع پر پاکستانی بہن بھائیوں کو مبارکباد پیش کرتا ہوں، جنہوں نے ہمارے برے وقت میں ہمارا ہمیشہ ساتھ دیا، ترکیہ اور پاکستان کی دوستی ازل سے ہے اور ابد تک قائم رہے گی ۔
انہوں نے بانی پاکستان قائداعظم محمد علی جناح کی مغفرت کی دعا کی اور کہا کہ اللہ دونوں ممالک کے تعلقات کو مزید فروغ دے۔
ترک اداکار نے اپنے ویڈیو پیغام میں مشہور پاکستانی ملی نغمہ " دل دل پاکستان" اپنے انداز میں گنگایا اور" دل دل پاکستان،جان جان ترکیہ، پاکستان زندہ باد" کا نعرہ لگایا۔
خیال رہےکہ ارطغرل غازی کے مشہور اداکار جلال آل پاکستان میں آنے والے بدترین سیلاب میں متاثرین کی مدد کیلئے بھی سندھ کے علاقوں میں پہنچے تھے ۔
- Featured Thumbs
- https://www.siasat.pk/data/files/s3/10celalalal.jpg
