مولانا فضل الرحمان نے پیپلزپارٹی کو لانگ مارچ ملتوی کرنے کا مشورہ دیدیا۔
تفصیلات کے مطابق سربراہ پی ڈی ایم مولانا فضل الرحمان اور سابق صدر آصف زرداری کے درمیان ملاقات کی اندرومی کہانی سامنے آگئی ہے۔ ذرائع کا کہنا ہے کہ مولانا فضل الرحمان نے پیپلزپارٹی کو 27 فروری کا لانگ مارچ ملتوی کرنے کا مشورہ دیدیا ہے۔
مولانا فضل الرحمان نے موقف اپنایا ہے کہ 2الگ الگ لانگ مارچ سےاپوزیشن کی تقسیم کا تاثر جائے گا، انہوں نے پیپلزپارٹی کو دیگر اپوزیشن جماعتوں کے ساتھ لانگ مارچ میں شرکت کرنے کا کہا ،مولانا فضل الرحمان نے کہا کہ پہلے وزیر اعظم عمران خان کیخلاف تحریک عدم اعتماد لانی چاہیے۔
ذرائع کا کہنا ہے کہ سابق صدر آصف زرداری کا کہنا تھا کہ پہلے وزیراعلیٰ پنجاب کیخلاف عدم اعتماد لانی چاہیے، دونوں رہنماوں کے درمیان عدم اعتماد پہلے کہاں لائی جائے پر اتفاق نہ کیا جاسکا۔
عدم اعتماد کے حوالے سے آصف زرداری آج شہباز شریف سےمشاورت کریں گے جس میں ن لیگ کی ناراض پی ٹی آئی ارکان کو ملانے کی تجویز پر غور کیا جائے گا۔ ذرائع نے بتایا ہے کہ لیگی رہنماؤں کےمطابق20سے22ناراض حکومتی ارکان نےحمایت کایقین دلایا ہے۔
اس پر سربراہ پی ڈی ایم اور آصف زرداری کا کہنا ہے کہ ناراض ارکان کی حمایت سےعدم اعتماد متنازع ہوسکتی ہے،اس کے کیلئے اتحادیوں کوساتھ ملانا چاہیے۔
ذرائع کا مزید کہنا ہے کہ ملاقات میں دونون رہنماوں نے حکومتی اتحادیوں سے بھی رابطے جاری رکھنے سمیت عدم اعتماد ،لانگ مارچ پر مشاورت جاری رکھنے پر اتفاق کیا۔
