بھارتی فلم انڈسٹری (بالی ووڈ) کے کنگ خان شاہ رخ خان کے بیٹے آریان خان کی منشیات کیس میں گرفتاری کے بعد ان کی مصیبتیں بڑھتی ہی چلی جا رہی ہیں۔ اداکار پر ہمدردیوں کے دروازے بند ہونے کے بعد مالی مشکلات بھی سر اٹھانے لگی ہیں۔
بھارتی میڈیا کے مطابق تعلیم کے فروغ کیلئے کام کرنے والی ٹیکنالوجی کمپنی بائجوز نے آریان خان کی منشیات کیس میں گرفتاری کے بعد شاہ رخ خان سے علیحدگی اختیار کرلی ہے۔ "بائجوز" نے آریان خان کی منشیات کیس میں گرفتاری کے بعد اپنی کمپنی کے تمام اشتہارات جن میں شاہ رخ خان نے کام کیا تھا وہ میڈیا پر چلنے سے روک دیے ہیں۔
بھارتی صحافی مکیش کمار نے اپنی ایک ٹویٹ میں "بائجوز" کو شاباش دیتے ہوئے کہا کہ میں ان تمام مصنوعات کا بائیکاٹ کررہا ہوں جس کی شاہ رخ خان تائید کرتے ہیں۔
جب کہ دوسری جانب شاہ رخ خان کے خلاف اس پروپیگنڈے کو ہوا دینے والی خود حکمران سیاسی جماعت بی جے پی کا ہاتھ ہے جس کے اہم رہنما کھل کر شاہ رخ خان کو نشانہ بنا رہے ہیں اور عوام کو ان مصنوعات کے استعمال سے بھی روک رہے ہیں جن کے ساتھ کسی نہ کسی طریقے شاہ رخ وابستہ ہیں۔
بھارتیہ جننتا پارٹی (بے جے پی) سے ہمدردی رکھنے والے سادھو یوگی دیوناتھ نے ایک ٹوئیٹ میں کہا کہ ’شاہ رخ خان کی ہر فلم کا بائیکاٹ کریں۔
مودی ہی کی جماعت کے ایک اور رکن نریندر کمار چاولہ نے لکھا کہ میں بحیثیت قوم پرست اس ٹرینڈ کی حمایت کرتا ہوں۔
بی جے پی کے ایک ترجمان گورو گوئیل نے اپنی ٹوئیٹ میں لکھا کہ شاہ رخ خان نے ایک بار کہا تھا کہ بھارت میں عدم برداشت بڑھتی جارہی ہے۔ ہاں، وہ درست تھے بھارت منشیات کو لے کر عدم برداشت کا شکار ہے۔
ایک طرف بھارتی حکمران جماعت شاہ رخ خان کے خلاف محاذ آرائی پر اتر آئی ہے جبکہ دوسری جانب ان کے حامی کوشش کر رہے ہیں کہ کسی بھی طرح اس تاثر کو زائل کیا جا سکے کیونکہ اگر ان کا بیٹا کسی قسم کی سرگرمی میں ملوث پکڑا گیا ہے تو اس کے ان کے کیریئر کے ساتھ کوئی تعلق نہیں بنتا۔
پرتاب مشرا نے کہا کہ کیا مودی جی کے بھگت اب اپنے باپ کا بھی بائیکاٹ کریں گے۔
- Featured Thumbs
- https://www.siasat.pk/data/files/s3/gurii1121.jpg
