بینکوں کے ڈیپازٹس اور ایڈوانس میں نمایاں اضافہ، اسٹیٹ بینک

کراچی: اسٹیٹ بینک آف پاکستان نے اپنی حالیہ رپورٹ میں ستمبر 2024ء کے دوران بینکوں کے ڈیپازٹس اور ایڈوانس میں بڑے پیمانے پر اضافہ ہونے کا انکشاف کیا ہے۔

رپورٹ کے مطابق ستمبر کے مہینے میں بینکوں کے مجموعی ڈیپازٹس میں 564 ارب روپے کا اضافہ ہوا، جس سے ان کا کل ڈیپازٹس اسٹاک 31,342 ارب روپے تک پہنچ گیا ہے۔

مزید برآں، بینکوں کے ایڈوانس میں بھی قابل ذکر ترقی دیکھی گئی، جو 497 ارب روپے بڑھ کر 12,305 ارب روپے ہو گئے۔

اسٹیٹ بینک کی رپورٹ میں بتایا گیا کہ بینکوں کا ایڈوانس ڈیپازٹ تناسب 39.30 فیصد تک پہنچ گیا ہے، جبکہ ستمبر کے دوران بینکوں کی سرمایہ کاری میں 334 ارب روپے کی کمی واقع ہوئی۔

سرمایہ کاری کے اسٹاک کا مجموعی حجم 30,699 ارب روپے پر پہنچ گیا ہے، اور بینکوں کی سرمایہ کاری اور ڈیپازٹس کا تناسب 98 فیصد ریکارڈ کیا گیا ہے۔

اقتصادی ماہرین کے مطابق اس رپورٹ میں ظاہر کیے گئے اعداد و شمار ملکی بینکنگ سیکٹر کی مستحکم صورتحال کی عکاسی کرتے ہیں۔

 

[Melanthus]

Many companies have more money then Pakistan,a country of 250 million.There is nothing to boast about.One of the companies I worked for had a turnover of $30 billion and profits of around $12 billion.