بھارت میں ہم جنس پرستوں کی شادی، اہلخانہ اور دوستوں کی شرکت
تفصیلات کے مطابق 8 برس قبل ڈیٹنگ ایپ پر پہلی بار ملنے والے بھارتی ہم جنس پرست جوڑے نے 8 سال کی ملاقاتوں کے بعد بالآخر شادی کرلی جس میں اُن کے اہل خانہ اور دوستوں نے بھی شرکت کی۔
بھارتی میڈیا کے مطابق تلنگانہ کے شہر حیدرآباد میں 34 سالہ ابھے ڈانگے اور 31 سالہ سپریو چکربورتی نے شادی کرلی۔
اس انوکھی شادی کی تقریب میں پنجاب اور بنگال کی شادیوں والی روایتی رسومات ادا کی گئیں۔ ہم جنس پرست جوڑے نے ایک دوسرے کو انگوٹھیاں بھی پہنائیں اور دونوں کا ایک شاندار ولیمہ بھی ہوا۔
اس شادی کی تقریبات میں مہندی ، ہلدی اور سنگیت کی تقاریب بھی منعقد کی گئی تھیں۔ اس جوڑے نے مہمانوں کو بتایا کہ ان کی پہلی ملاقات ایک ہم جنسوں کیلئے مختص ڈیٹنگ ایپ پر 8 سال قبل ہوئی تھی اور تب سے وہ ایک دوسرے سے مل رہے ہیں۔
انہوں نے کہا اس مضبوط تعلق کی بنیاد پر اہل خانہ نے دونوں کے درمیان اس رشتے کو قبول کرنے کا فیصلہ کیا اور اس طرح ہم نے اس رشتے کو قانونی حیثیت دی۔
- Featured Thumbs
- https://www.siasat.pk/data/files/s3/same-msarriage-11.jpg
Last edited by a moderator:
