بھارتی وزیراعظم نریندرمودی کا سوشل میڈیا پر ایک بار پھرمذاق بن گیا، نریندرمودی اکثر ہی سوشل میڈیا پر مذاق بنے رہتے ہیں،اس بار تو حکومتی تشہیر کے لئے اس حد تک چلے گئے کہ یہ بھی بھول گئے کہ اتوار کے روز کونسا سکول کھلا ہوتا ہے۔
تفصیلات کے مطابق آج صبح بھارتی وزیر اعظم نریندر مودی نکی جانب سےآفیشل ٹوئٹر اکاؤنٹ سے کچھ تصاویر شیئر کیں جن کے ساتھ کیپشن لکھا تھا کہ ”اپنے نوجوان دوستوں کے ساتھ پونے کی میٹرو بس پر سوار ہوں۔ " اس ٹوئٹر پوسٹ کے بعد تو گویا ٹوئٹر صارفین کو تفریح کا نیا سامان مل گیا اس کے بعد ٹوئٹرز نریندر مودی سے متعلق میمز سے بھرگیا۔
جاری کردہ تصاویر میں دیکھا جا سکتا ہے کہ بھارتی وزیر اعظم اسکول کے بچوں کے ساتھ میٹرو سروس میں بیٹھے ہیں، تصاویر میں بچوں نے اسکول یونیفارم پہن رکھا ہے۔
تاہم ان کی تشہیری مہم اس وقت مذاق بن گئی جب صارفین نے توجہ دلائی کہ اتوار کے روز کون سا اسکول کھلا ہوتا ہے۔
<
ایک صارف نے تو ایک بچی کے مردانہ سائز جوتوں کی بھی نشاندہی کر دی۔
کسی صارف نے لکھا کہ پبلسٹی کے لیے ضروری ہے کہ اتوار کو بھی بچے یونیفارم میں ہوں۔
ایک اور صارف نے کہا کہ معذرت کے ساتھ مودی جی پونے کے تمام سکولوں میں اتوار کو چھٹی ہوتی ہے۔
ایک صارف نے تصویر پر لکھا کہ یہ نیا انڈیا ہے جہاں بچے اتوار کے روز بھی سکول جاتے ہیں۔
اس سے قبل وزیر اعظم نریندر مودی کی زبان سے ادا ہونے والے الفاظ سوشل میڈیا پر مذاق بن کر رہ گئے تھے۔
نریندر مودی برہما کماری تنظیم کے زیر اہتمام پروگرام ”آزادی کے امرت مہوتسو گولڈن انڈیا“ سے خطاب کر رہے تھے کہ اس دوران انہوں نے حکومت کی ”بیٹی بچاؤ، بیٹی پڑھاؤ“ مہم کا تذکرہ کیا تو اس دوران ان کی زبان پھسل گئی اور انہوں نے ”بیٹی بچاؤ، بیٹی پڑھاؤ“ کے بجائے ”بیٹی پٹاؤ“ کہہ ڈالا تھا۔
- Featured Thumbs
- https://www.siasat.pk/data/files/s3/modi1h1h121.jpg
