برطانیہ میں آئل ٹینکر ڈرائیورز کی کمی سے شروع ہونے والا پیٹرولیم مصنوعات کا بحران بڑھ رہا ہے، اس بڑھتے ہوئے بحران کے اثرات عالمی شہرت یافتہ فٹ بالر کرسٹیانو رونالڈو پر بھی ہوئے ہیں، سات گھنٹے تک قطار میں لگے رہنے کے باوجود پیٹرول نہیں ملا۔
تفصیلات کے مطابق عالمی شہرت یافتہ فٹ بالر کرسٹیانو رونالڈو کی پانچ کروڑ مالیت سے زائد بینٹلے گاڑی اور رینج روور دونوں کے ڈرائیورز ایک پٹرول اسٹیشن پر سات گھنٹے تک قطار میں لگے رہے لیکن طویل انتظار کے باوجود پیٹرول نہیں مل سکا۔
غیر ملکی خبر رساں ادارے کی رپورٹ کے مطابق کا امیر ترین فٹ بالر بھی انگلینڈ میں حالیہ پیٹرول بحران کی وجہ سے اپنی گاڑیوں میں پیٹرول ڈلوانے سے قاصر رہا۔ برطانیہ میں پیٹرول بحران ڈرائیورز کی کمی کے باعث شروع ہوا۔ حکومت نے 5 ہزار غیر ملکی ڈرائیورز کو بھرتی کرنے کا فیصلہ کیا ہے تاکہ پیٹرول پمپس تک سپلائی کو جلد از جلد ممکن بنایا جا سکے۔
دوسری جانب برطانوی وزیر اعظم بورس جانسن نے بحران پر قابو پانے کے لیے فوج سے مدد لینے کا فیصلہ کیا ہے، جبکہ وزراء اس ہفتے پٹرول اور ڈیزل کی فراہمی کے لیے فوجیوں کے بلانے کے مسودے پر غور کریں گے۔
- Featured Thumbs
- https://i.imgur.com/zk9A7oq.jpg
