اقوام متحدہ کی سلامتی کونسل نے افغانستان کیلئے قرار داد منظور کر لی ہے۔افغان عوام کیلئے پاکستانی خدمات کا اعتراف، اوآئی سی اجلاس میں دعوت پر امریکا پاکستان کا شکرگزار
امریکا میں پاکستان کے مستقل مندوب منیر اکرم نے کہا کہ قرار داد کی منظوری سے افغانستان کو فوری امداد رقم فراہم کی جا سکے گی۔ افغانستان کو امداد کی فراہمی عالمی قوانین کی خلاف ورزی نہیں ہے۔ جب کہ امریکا نے افغانستان کیلئے پاکستان کی خدمات کا اعتراف کر لیا ہے۔
منیر اکرم نے کہا کہ وزیراعظم عمران خان کا ویژن اس قرارداد کیلئے اہم ثابت ہوا ہے۔ سلامتی کونسل میں یہ قرارداد امریکہ نے پیش کی تھی۔
ادھر امریکہ نے پاکستان کی کوششوں کا اعتراف کرتے ہوئے او آئی سی اجلاس میں افغانستان کے مسئلے کے حل کیلئے دیگر غیر اسلامی ممالک کو مشترکہ تعاون کی دعوت دینے پر امریکا نے پاکستان کا شکریہ ادا کیا۔
امریکی وزیر خارجہ انٹونی بلنکن نے اپنے ٹویٹ میں کہا کہ بحرانوں سے دوچار ممالک کی امداد کے حوالے سے او آئی سی کا یہ غیر معمولی اجلاس ہمارے مشترکہ مقصد اور اس پر عملدرآمد کی واضح مثال ہے۔
وزیر خارجہ بلنکن نے یہ بھی کہا کہ ہم پاکستان کا شکریہ ادا کرتے ہیں کہ اس نے افغانستان مسئلے کے حل کیلئے عالمی سطح پر امداد کی اپیل کی اور افغان عوام کیلئے اپنے تعاون کی یقین دہانی کرائی۔
دوسری جانب ترجمان دفتر خارجہ افتخار عاصم کا کہنا ہے کہ او آئی سی اجلاس کے نتائج سامنے آنا شروع ہو گئے ہیں۔ سلامتی کونسل میں متفقہ قرارداد بڑی پیش رفت ہے۔ انسانی ہمدردی کی بنیاد پر امریکا بھی مدد کیلئے آگے آ گیا ہے۔
انہوں نے کہا کہ اس اجلاس کے بعد امریکا کی پابندیوں میں دیگر ممالک اور انسانی حقوق کیلئے کام کرنے والی تنظیموں نے بھی نرمی کیلئے پیشرفت دیکھی ہے۔
- Featured Thumbs
- https://www.siasat.pk/data/files/s3/blikin-oic-1121.jpg
